Градоначалникот на Општина Битола, Тони Коњановски, вечерва беше дел од многубројната публика на стадионот „Петар Милошевски“, каде младата репрезентација на Македонија одигра 1-1 против Црна Гора во квалификациите за Европското првенство.
Коњановски оцени дека натпреварот претставувал голем спортски ден за Битола, посочувајќи ја бројната публика како потврда дека битолчани го сакаат спортот и се подготвени да бидат дел од големи спортски настани.
„Битола го сака, живее за спортот и за вакви големи настани под рефлектори на стадионот кој ги има сите услови и за меѓународни натпревари“, истакна Коњановски.
Тој изрази уверување дека и во иднина трибините на стадионот „Петар Милошевски“ ќе бидат исполнети, особено со млади гледачи кои, како што посочи, знаат вистински да се радуваат на големите спортски натпревари.
Натпреварот меѓу младите селекции на Македонија и Црна Гора заврши со резултат 1-1, со што македонската селекција ги заврши настапите на домашен терен во квалификациите за младинското Европско првенство.
…
