Шест малолетници од Скопје се лишени од слобода поради сомнение дека со закана ограбиле малолетник, при што еден од нив употребил и остар предмет.
Инцидентот се случил на 4 октомври околу 22 часот на подрачјето на Центар во Скопје. Според информациите од МВР, групата со закана од малолетник одзела пари, додека од друг малолетник се обидела да одземе пари.
Полициски службеници од СВР Скопје ги лишиле од слобода шестмината малолетници и преземаат мерки за целосно расчистување и документирање на случајот.
По завршување на постапката, Единицата за внатрешни работи Центар и Бит Пазар при СВР Скопје ќе поднесе кривична пријава за постоење основи на сомнение за сторени кривични дела „разбојништво“ и „разбојништво во обид“, согласно член 237 и член 237 во врска со член 19 од Кривичниот законик.
…
