Развојот на вештачката интелигенција поттикнува огромни вложувања во дата-центри, но обезбедувањето струја, вода и опрема станува сè поголем предизвик. Според проценките пренесени од „Фактор“, инвестициите би можеле да достигнат 10,3 трилиони долари до 2032 година.
Во текстот се наведуваат анализи на „Голдман Сакс“, според кои вложувањата во вештачка интелигенција во САД би пораснале од 1,8 отсто од БДП во 2026 на 2,8 отсто во 2028 година. Експанзијата отвора деловни можности и за енергетските компании, градежништвото и производителите на инфраструктурна опрема.
Сепак, капиталот е само еден услов за реализација на проектите. Достапноста на електрична енергија, недостигот од квалификувани работници и долгите рокови за испорака на опрема можат да ја забават изградбата. Дополнителен притисок создава потребата од вода за ладење на серверите, која предизвикува загриженост кај локалните заедници.
Брзината на оваа технолошка експанзија затоа ќе зависи и од способноста да се обезбедат ресурсите и инфраструктурата потребни за работа на новите дата-центри.
…
