Физички напад врз вработен на наплатната рампа „Петровец“ бил пријавен ноќеска во СВР Скопје. Инцидентот се случил на 5 јануари 2026 година во 01:02 часот, кога вработениот Н.А. (45) бил нападнат од едно лице.
Според пријавата, напаѓачот употребил стаклен предмет и му нанел повреди на вработениот, по што со патничко возило „мерцедес“ со скопски регистарски ознаки насилно ја скршил наплатната рампа и избегал од местото на настанот.
Од Министерството за внатрешни работи информираат дека се преземаат мерки за целосно расчистување на случајот и за идентификација на сторителот, по што ќе биде поднесена соодветна пријава.
