Државјанин на Турција пријавил во СВР Скопје дека бил измамен за 6.650 евра откако преку социјална мрежа стапил во контакт со лице кое му ветило посредување за документи за работа и престој во Македонија.
Измамата започнала во октомври минатата година, кога посредникот се претставил како лице кое може да помогне во регулирањето на престојот на оштетениот. Во текот на неколку месеци, Турчинот му исплатил пари, дел лично, а дел преку банкарска трансакција.
За да ја зајакне довербата, оштетениот платил и за договор за закуп на стан заверен кај нотар, верувајќи дека станува збор за легална постапка. Откако подолг период не успеал да стапи во контакт со лицето и не добил документи, сфатил дека е измамен и случајот го пријавил во полиција.
Надлежните служби преземаат мерки за расчистување на случајот и идентификување на сторителот.
