Патнички авион со вкупно 15 лица – 13 патници и двајца членови на екипажот – исчезна во близина на границата меѓу Колумбија и Венецуела, пренесува АФП.
Леталото полетало од пограничниот град Кукута, но контактот со контролната кула бил изгубен кратко пред планираното слетување во градот Окања.
Според соопштението на авиокомпанијата, авионот требало да слета околу 12 часот по локално време. Воздухопловните власти информираат дека веднаш се активирани сите безбедносни и спасувачки протоколи, а потрагата по авионот е во тек.
