Претседателката на Бугарија, Илијана Јотова, денеска го започнува процесот на консултации со парламентарните групи во 51-вото Народно собрание, со цел да го назначи следниот службен премиер. Првите средби се закажани со пратениците од ГЕРБ-СДС, а потоа ќе разговара и со претставниците на коалицијата „Продолжуваме со промената – Демократска Бугарија“.
Бугарската претседателка минатата недела ги разгледа сите уставни кандидати за службена влада, а петмина ја потврдија својата подготвеност да ја преземат функцијата. Меѓу нив се висок функционер на Народната банка, заменик-омбудсман и тројца претставници од Националниот завод за ревизија.
„Следниот службен премиер треба да биде одговор на очекувањата на граѓаните“, истакна Јотова, најавувајќи дека конечната одлука ќе ја соопшти по завршувањето на сите разговори со парламентарните групи.
Според уставните измени од 2023 година, процедурата дозволува по консултациите претседателот да предложи службен премиер и да закаже избори во рок од два месеци. Ова е трет пат во последната година државата да спроведува вакви консултации, но овој пат разговорите се одвиваат поединечно со секоја партија, а не сите одеднаш како претходно.
