СВР Тетово поднесе кривична пријава против Л.М. (49) од Косово поради основано сомнение за сторено кривично дело „измама“, информира полицијата.
Според пријавата, на 15 септември 2025 година, осомничениот преку социјална мрежа стапил во контакт со женско лице и го довел во заблуда, претставувајќи се како сопственик на градежна фирма во странство. Тој ѝ ветил дека ќе посредува при купување на имот во истата држава.
Во текот на комуникацијата, оштетената му исплатила вкупно 12.000 евра, верувајќи дека средствата се наменети за реализација на договорениот имот. Сепак, имотот не бил обезбеден, а парите не ѝ биле вратени.
Надлежните институции преземаат понатамошни мерки за расчистување на случајот.
