Франција се соочува со екстремни временски услови: пет департмани – Савоја, Од, Жиронда, Ло-ет-Гарон и Источни Пиринеи – се под црвена тревога поради лавини, силни ветрови и поплави.
Во југоисточниот дел, последиците од бурата „Нилс“ се сериозни: над 550.000 домаќинства останаа без електрична енергија, јави BFMTV. Метеоролозите предупредија на опасни ветрови од 60 до 100 километри на час и снежни врнежи меѓу 40 и 60 сантиметри, кои го погодија познатиот скијачки центар Тинжи. Градоначалникот најави целосно затворање на одморалиштето заради безбедност.
Неверојатни брзини на ветерот беа измерени низ регионот: 162 километри на час во Бискарос, 157 во Леж-Кап-Фере и 132 во Мижу, пренесува Танјуг. Дрвја изкоренети, блокирани патишта и прекинат сообраќај беа забележани во повеќе градови, вклучително и во околината на Бордо, каде бурите го парализираа секојдневниот живот.
