Вечерва, околу 19:30 часот по локално време, ловец Ф-16 на Јужнокорејски воздухопловни сили се урна за време на ноќна обука во близина на Јеонгџу, во провинцијата Северен Кјеонгсанг. Пилотот успеа безбедно да се катапултира, соопштија јужнокорејските медиуми.
Според извештаите на агенцијата Јонхап, во несреќата нема пријавено загинати или повредени. Од воздухопловните сили информираа дека веднаш формирале посебен штаб за истрага со цел да се утврдат точните причини за падот на авионот.
Овој инцидент доаѓа во контекст на слични несреќи со воени авиони во странство. Ф-16 исто така се урна во Турција, со трагичен исход за пилотот, додека во Казахстан, при несреќата со авионот Су-30СМ, екипажот успеа да се катапултира навреме.
