Советот на Општина Кочани донесе одлука за изградба на 17-метарски метален крст кој ќе биде поставен на влезот во градот од правец на Штип.
Одлуката била изгласана на последната седница на Советот, при што 14 од вкупно 19 советници дале поддршка за реализација на проектот.
Според најавите, крстот ќе биде поставен на видлива локација на влезот во Кочани и треба да претставува верско и културно обележје на градот. Засега нема детали за роковите за изградба, вредноста на инвестицијата и начинот на финансирање.
Од Општината се очекува дополнително да соопштат информации за техничките карактеристики на објектот и почетокот на градежните активности.
