Националниот парк Шар Планина соопшти возбудлива вест за зачувувањето на дивата фауна, нивните трап-камери снимија две нови единки на балканскиот рис, еден од најретките и најзагрозените видови во регионот.
Во последните набљудувања, бројот на идентификувани рисови на територијата на паркот се искачи на пет. Двете новооткриени единки се забележани во делот кој административно спаѓа под Општина Врапчиште и, според надлежните, се во добра здравствена состојба.
„Овие откритија покажуваат позитивен тренд во закрепнувањето на популацијата на балканскиот рис на Шар Планина“, истакнуваат од управата на паркот, додавајќи дека редовниот мониторинг продолжува да ја следи состојбата на овој редок вид.
