Градоначалникот на Битола, Тони Коњановски, упати честитка до граѓаните од католичка вероисповед по повод големиот христијански празник Велигден, кој се слави според Грегоријанскиот календар.
Во својата порака, Коњановски истакна дека Велигден е симбол на надежта и победата на животот над смртта, упатувајќи искрени желби за добро здравје, радост и среќа до сите верници.
Тој им посака на граѓаните празнични денови исполнети со слога, љубов и семејна топлина, нагласувајќи ја важноста од заедништвото во општеството.
„Меѓусебно да се почитуваме, да ја негуваме традицијата и да создаваме убави нешта за нас и за генерациите кои доаѓаат“, порача Коњановски во честитката.
Со оваа порака, градоначалникот ја потенцираше потребата од зачувување на вредностите и традициите, како и градење подобра иднина за сите граѓани.
…
