Делови од скопските општини Карпош и Сарај денеска ќе останат без електрична енергија поради најавени технички интервенции во дистрибутивната мрежа на ЕВН Македонија.
Во Карпош, прекинот е предвиден во периодот од 9:00 до 15:00 часот и ќе ги зафати дел од корисниците на улиците „Ловќенска“, „Леринска“ и „Илија Плавев“.
Паралелно, во општина Сарај, од 9:00 до 16:00 часот без струја ќе бидат жителите на селата Рашче, Копаница и Бојане.
Од ЕВН посочуваат дека станува збор за планирани активности насочени кон подобрување и одржување на стабилноста на мрежата.
