вторник, ноември 17, 2026
No Result
View All Result
bulevar.mk
  • Македонија
  • Економија
  • Република
  • Балкан
  • Свет
  • Црна Хроника
  • Скопје
  • Технологија
  • Магазин
  • Спорт
  • Македонија
  • Економија
  • Република
  • Балкан
  • Свет
  • Црна Хроника
  • Скопје
  • Технологија
  • Магазин
  • Спорт
No Result
View All Result
bulevar.mk
No Result
View All Result
Home Економија

Вицегувернерката Митреска: Поголема родова еднаквост значи посилна економија и иновативност

by Redakcija
24.04.2026
in Економија
Вицегувернерката Митреска: Поголема родова еднаквост значи посилна економија и иновативност

Во време на глобални економски турбуленции и брзи технолошки промени, зголемувањето на учеството на жените на пазарот на труд сè појасно се наметнува како клучен двигател на развојот. Тоа не е само прашање на еднаквост, туку и на економска ефикасност, посочи вицегувернерката Ана Митреска во своето обраќање на манифестацијата „Избор на најуспешни жени менаџери“, организирана од агенцијата „Марили“.

Според неа, намалувањето на родовиот јаз директно се одразува врз продуктивноста на економијата, преку подобро искористување на човечкиот потенцијал и поттикнување на иновативноста. Но и покрај напредокот, жените и понатаму се соочуваат со структурни бариери – од послаба застапеност на лидерски позиции, до ограничен пристап до финансиски ресурси.

Митреска предупреди дека новата технолошка ера, особено експанзијата на вештачката интелигенција, дополнително го менува пазарот на труд. Околу три четвртини од работните места во кои доминираат жени, според проценките, се високо изложени на влијанието на автоматизацијата и АИ, што отвора потреба од навремени политики за адаптација, преквалификација и институционална поддршка.

Таа се повика и на најновите податоци од Светскиот извештај за родовиот јаз 2025, кои покажуваат дека глобално е затворен околу две третини од јазот меѓу мажите и жените, но со бавна динамика. Доколку трендовите останат исти, целосна родова еднаквост би се постигнала дури за 123 години. Северна Македонија, пак, е позиционирана на 90-то место од 148 држави, при што особено загрижувачки се податоците за економската димензија, каде земјата се наоѓа на 119-то место.

Разликите се видливи и во конкретни бројки: жените заработуваат во просек околу 12% помалку од мажите, а нивното учество на пазарот на труд е пониско за околу 18 процентни поени. Дополнително, во доменот на финансиската вклученост, 77% од жените имаат банкарска сметка, наспроти 92% од мажите, што укажува на јаз од приближно 10 процентни поени, според податоците од „Финдекс“ (2024).

Во своето излагање, вицегувернерката нагласи дека Народната банка веќе спроведува активности насочени кон поголема финансиска писменост и поддршка на женското претприемништво, меѓу другото и преку Кодексот за финансирање жени претприемачи.

Иако женските бизниси сè уште учествуваат со мал дел во вкупното кредитирање, анализите покажуваат дека тие се значително поодговорни во управувањето со долговите. Нивото на нефункционални кредити кај фирмите во женска сопственост изнесува 1,54%, во споредба со 2,76% кај компаниите управувани од мажи.

Во иднина, фокусот, како што истакна Митреска, ќе биде ставен на проширување на партнерствата, подобрување на статистичкото следење и развој на системски мерки што ќе ја засилат финансиската поддршка за жените претприемачи.

Свое обраќање таа го заокружи со честитки до наградените менаџерки, нагласувајќи дека нивните достигнувања не се само личен успех, туку и силен поттик за новите генерации жени кои ќе ја обликуваат економијата на иднината.

…

Макси Златна Рипка – Државна Лотарија
Златна Треска – Државна Лотарија

Related Posts

ИНТЕРВЈУ ЗА БУЛЕВАР.МК | Сања Божиновска: ЕУ ги препозна конкретните реформи и резултати во енергетиката

Божиновска: Скопје ќе биде домаќин на Првиот форум за енергетска дипломатија

17.11.2026

Пари од „МојДДВ“ на сметките на граѓаните: Еве до кога се очекува исплатата

17.11.2026

Николоски од Виена: Реализираме инфраструктурни проекти вредни до 6 милијарди евра

16.11.2026

Регулаторната комисија одлучи: Ново намалување на цените на горивата од полноќ

16.11.2026

Критичните суровини стануваат европски приоритет, потребни се нови инвестиции и модерно рударство

16.11.2026

Банкарството јакне: За една година активата пораснала за над 1,4 милијарди евра

16.11.2026
Мега Милионер – Државна Лотарија
Дијамант – Државна Лотарија
Titanium – Државна Лотарија

Препорачани Вести

Иран нападна клучна индустрија на Блискиот Исток? Напад врз најголемата фабрика за Хелиум во Катар ја тресе глобалната технологија

8 месеци ago

Украински дронови повторно длабоко во Русија: Пожар избувна во рафинерија во Перм

2 месеци ago

Популарни Вести

  • Станови во Охрид од 1.350 евра за квадрат: Државата објави оглас за продажба на 51 стан

    0 shares
    Share 0 Tweet 0
  • ВИДЕО: Се урна воен авион во Србија: Станува збор за борбен авион „МиГ-29“

    0 shares
    Share 0 Tweet 0
  • Општина Битола: Граѓаните повторно ќе имаат збор во креирањето на буџетот за 2027 година

    0 shares
    Share 0 Tweet 0
  • Божиновска: Скопје ќе биде домаќин на Првиот форум за енергетска дипломатија

    0 shares
    Share 0 Tweet 0
  • ТИТАН УСЈЕ со повисока деветмесечна добивка но со пад на заработката во третиот квартал

    0 shares
    Share 0 Tweet 0
  • Македонија
  • Економија
  • Република
  • Балкан
  • Свет
  • Црна Хроника
  • Скопје
  • Технологија
  • Спорт
  • Импресум

Булевар.мк © 2025 Сите права се задржани.

No Result
View All Result
  • Македонија
  • Економија
  • Република
  • Балкан
  • Свет
  • Црна Хроника
  • Скопје
  • Технологија
  • Магазин
  • Спорт

Булевар.мк © 2025 Сите права се задржани.