На 28 април 2026 година во 09:15 часот на улицата „Охридска“ во Тетово, полициски службеници од СВР Тетово го лишиле од слобода С.Р. (22) од Тетово.
Како што информираат од полицијата, тој претходно управувал патничко возило „бмв“ и учествувал во сообраќајна незгода со возило „тојота“ со тетовски регистарски таблички, управувано од М.Е. (44) од Тетово, како и со паркирано возило „ауди“.
По преземени мерки и проверки, било утврдено дека 22-годишникот го управувал возилото без да поседува возачка дозвола. Возилото му е одземено, а по целосно документирање на случајот против него ќе биде поднесена соодветна пријава.
…
