Воената академија „Генерал Михаило Апостолски“ во Скопје го отвори конкурсот за упис на нова генерација студенти и питомци за академската 2026/2027 година, наменет за потребите на Министерството за одбрана, Армијата на Република Македонија, како и за кадри во областа на управување со кризи и системите за заштита и спасување.
Од Министерство за одбрана истакнуваат дека интересот за военото образование претставува важен дел од процесот на подмладување и зајакнување на офицерскиот кадар. Аплицирањето е отворено за сите млади кои ги исполнуваат предвидените услови и имаат желба да изградат кариера во служба на државата.
Според објавените критериуми, кандидатите треба да бидат државјани на Република Северна Македонија, да имаат завршено четиригодишно средно образование и да не се постари од 21 година во моментот на пријавување. Дополнително, неопходно е да го поминат процесот на психофизичка проценка кој го спроведува надлежна военолекарска комисија.
Конкурсот е дел од редовните активности за прием и обука на идни офицери и стручни кадри, а деталите за начинот на пријавување и потребната документација се достапни преку следниот линк.
