Четириесет и седумгодишен жител на Тетово бил пронајден починат во својот стан во населбата Блок 82, информираат од СВР Тетово.
Случајот бил пријавен на 1 јуни во 21:40 часот, по што на местото интервенирала екипа на Итната медицинска помош. Лекар констатирал смрт кај С.С. (47) од Тетово.
Според првичните информации, на телото не биле забележани видливи траги на насилство.
По наредба на јавен обвинител, телото е предадено на обдукција, која треба да ги утврди точните причини за смртта.
Надлежните институции преземаат мерки за целосно расчистување на случајот.
…
