Податоците на државните статистичари покажуваат дека во три установи за деца и млади без родители и родителска грижа биле згрижени 76 корисници. Потоа, во три установи за грижување на лица со пречки во менталниот и телесниот развој биле згрижени 223 граѓани. Во една установа за згрижување на деца со воспитно-социјални проблеми и нарушено поведение биле опфатени 27 деца. Во 2025 година 125 компании од приватниот сектор вработиле или ангажирале 1.433 лица со некаков инвалидитет. Дополнително 40 домови за стари лица им биле на располагање на 2.135 лица.
„Од вкупните права на социјална заштита кај малолетните корисници, најголемо учество од 50.3% имаа услугите на социјалната работа. Од вкупните права на социјална заштита кај полнолетните корисници, пак, најголемо учество од 84.6% имаа услугите на социјалната заштита. Во 2025 година, 35.950 носители на домаќинства, односно толкав број домаќинства користеа гарантирана минимална помош“, се наведува во извештајот на Државниот завод за статистика.
А само пред два дена, од Министерството за социјална политика, демографија и млади ја информира јавноста дека исплатата на социјалната помош и детската заштита ќе доцни овој месец, поради како што велат нова значајна реформа. Причината за доцнењето е имплементацијата на ново софтверско решение, кое се применува за модернизација и унапредување на процесите за обработка и исплата на правата од социјалната и детската заштита.
„Цел на реформата е зголемување на ефикасноста, сигурноста и квалитетот на услугите. Проблемите се во техничките усогласувања и миграцијата на податоците кои предизвикале непредвидени предизвици за корисниците“, се наведува во соопштението на ресорнотсо министерство.
Од Министерството наведуваат дека исплатата на правата ќе биде реализирана веднаш по завршувањето на техничките усогласувања. Тие исто така ги уверуваат корисниците дека нивните права ќе бидат целосно обезбедени.
…
