Од Општина Тетово информираат дека булеварот „Борис Кидрич“ ќе биде затворен за сообраќај на моторни возила од 26 до 29 јули, во периодот од 16:00 до 00:00 часот.
Причина за временото затворање е организирањето на концертите во рамките на манифестацијата „Младински вечери“, која е дел од програмата „Тетовско лето – Тетово прославува“.
Од локалната самоуправа апелираат до возачите да ги почитуваат привремените сообраќајни измени и да користат алтернативни сообраќајници.
„Ве молиме за разбирање и им се заблагодаруваме на жителите и на сите граѓани за соработката“, соопштија од Општина Тетово.
…
