Connect with us

Македонија

Ниеден функционер не сака да си ја намали зголемената плата од 78%

Published

2 years ago

on

За да се намалат платите, потребно е да се намалат бодовите или коефициентите за пресметка – или со измена на постојниот Закон за платите на избраните и именуваните лица или да се почека на носењето на новиот закон за систем на платите во јавниот сектор, кој се изготвува, велат од Владата

Пратениците, судиите, обвинителите, избраните и именуваните функционери, градоначалниците, директорите на разни фондови, агенции и државни фирми уште долго време ќе ја земаат платата што од 21 март со одлука на Уставниот суд им е зголемена и до 78 отсто, кога судот ја укина фиксната основица во Законот за плати на функционерите, па остана да им се пресметува според бруто-просечната плата помножена со коефициент, плус додатоците.

И покрај жестоките реакции на граѓаните, синдикатите, како и на дел од функционерите, и покрај ветувањето на Владата дека во најскоро време ќе се најде начин да се намалат безобразно зголемените плати, до тоа сè уште не дојде. Околу 2.000 функционери од најразличен вид следната седмица ќе почнат да ја земаат втората покачена плата, која за највисоките функционери – премиерот, спикерот и претседателот на државата скокна од околу 90 илјади на близу 160 илјади денари.

Владата во место, платата чекори напред

Од Владата велат дека за да се намалат платите, потребно е да се намалат бодовите или коефициентите за пресметка, и тоа, или со измена на постојниот Закон за платите на избраните и именуваните лица или да се почека на носењето на новиот закон за систем на платите во јавниот сектор, кој се изготвува. Но, ниту пратениците од власта, ниту пратениците од опозицијата предлагаат измени на постојниот закон во Собранието. А за новиот закон за систем на плати во тек се преговори со синдикатите, кои, пак, не се согласуваат со актуелните предлози на власта.

– Коефициентите на функционерите за утврдување на платата се определени со Законот за плата и други надоместоци на избрани и именувани лица. Владата работи на изработка на нов закон за систем на плати во јавен сектор во којшто ќе се предвиди структуриран и конзистентен пристап во пресметка и исплатата на плати на сите вработени во јавниот сектор и на избраните и именуваните функционери во државата. Во оваа смисла, за да се изврши промена во бодовите односно коефициентите за пресметка на платите на функционерите, потребно е или да се направат самостојни измени на постојниот Закон за плата и други надоместоци на избрани и именувани лица или до нив да дојде како резултат на усогласување со новиот закон за систем на плати во јавниот сектор – велат од Владата за „Слободен печат“.

Оттаму додаваат дека во моментов Владата и репрезентативниот синдикат преговараат за Општиот колективен договор за вработените за јавниот сектор.

– Тоа исто така ќе придонесе во изнаоѓањето на решение за уредување на сите плати во јавниот сектор, па така и на избраните и именуваните лица. Симулациите по предлозите за новите начини за пресметка на плати ќе бидат презентирани на следната седница на Економско-социјалниот совет – велат од Владата.

Синдикатите уште чекаат

Претседателот на Синдикатот на УПОЗ Трпе Деановски, пак, вели дека сè уште не е закажана седница на Економско-социјалниот совет и немаат најава кога ќе се одржи. На таа седница треба да се презентира симулацијата за пресметка на платите што ја изготвува Министерството за финансии според предлозите на синдикатот и на власта, па синдикатите ќе анализираат кои предлози се во корист на работниците, што значи дека разговорите за платите во јавниот сектор, односно за Општиот колективен договор може да траат уште неколку месеци. За тоа време функционерите, на кои никој не им го знае точниот број, ќе ја земаат зголемената плата, за која исто така, никој не знае по колку пари месечно се одлеваат од државниот и локалните буџети што ги полнат граѓаните.

– Не очекувам дека брзо ќе се дојде до заеднички јазик и решение. Уште пред 21 ден ни е најавена симулацијата за пресметка на платите, но уште не ни е презентирана. Додека траат преговорите, платата на функционерите може да се смени и со измена на постојниот закон за функционерските плати, но гледаме дека нема политичка волја за тоа во Собранието – власта, секако, не превзема чекори, но и опозицијата не предлага измени на постојниот закон со образложение дека и онака сите предлози власта им ги одбива – вели Деановски за „Слободен печат“.

Тој додава дека и тие во синдикатите не знаат колкав е точниот број на сите избрани и именувани функционери, но со груби пресметки се доаѓа и до 2.000 лица ако се соберат околу 500 судии, 200 обвинители, 80 градоначалници, 30 министри и заменици министри, стотици функционери и советници во Владата, 120 пратеници, директори на стотици државни агенции, фондови, директорати, јавни претпријатија итн.

– Прашање е дали и кога ние ќе се усогласиме. Ако го чекаат новиот закон за плати во јавниот сектор, неизвесно е кога ќе се изгласа. Исто така, и да се потпише Општиот колективен договор, ќе потрае извесно време додека сè се усогласи за ние работниците да добиеме зголемена плата. Власта веќе нешто усно и преку медиумите ни најави, но ако е тоа таа симулација што планираат да ни ја презентираат и нам, ние ќе ја одбиеме. Инаку, мој личен став е дека позициите на власта и на синдикатите се многу неусогласени и за да се најде некое решение Економско социјалниот совет треба да заседава поредовно, ако треба и секој ден, а со седници еднаш месечно овој проблем може долго да се одолговлекува – вели Деановски.

Неодамна министерката за труд и социјала Јована Тренчевска најави дека функционерските плати ќе одат надолу, а тоа ќе го покаже симулацијата за тоа како ќе изгледаат новите плати во јавниот сектор.

– Се разработува методологија што треба да донесе системско решение за платите, вклучувајќи ги и функционерите. Очекувам деновиве да ги добиеме симулациите и ќе преговараме – најави Тренчевска.

Владата на својот сајт уште ги прикажува старите плати

На сајтот на Владата, во делот Отворена Влада и отчетност, сè уште се прикажани старите плати на функционерите, оние што ги примиле во декември 2021 година, кога на сметката на премиерот легнале 88.260 денари месечно примање. На прашањето на „Слободен печат“ зошто не се прикажани новите плати на владиниот кабинет од Владата одговорија:

– Во тек е ажурирање на податоците на именуваните лица на Владата на Република Северна Македонија за висината на платата на функционерите, по што јавноста ќе биде информирана. Ви укажеме и дека платата за функционерите, како и за вработените во Владата ја изготвува Службата за општи и заеднички работи.

Related Topics:

Македонија

ТРАМП СЕРИОЗНО САКА ДА ГО КУПИ ГРЕНЛАНД Државниот секретар на САД вели дека нема простор за шегување

Published

49 mins ago

on

January 31, 2025

By

Претседателот Трамп го објави она што има намера да го направи, а тоа е да го купи. Ова не е за стекнување земјиште заради стекнување земјиште. Ова е наш национален интерес и треба да се реши, рече американскиот државен секретар Марко Рубио.

Американскиот претседател Доналд Трамп е сериозен во намерата да го купи Гренланд, изјави државниот секретар Марко Рубио, откако Данска беше потресена од неговите закани дека ќе ја преземе автономната данска територија.

Во интервју, Рубио ја омаловажи заканата од САД да користат воена сила против Данска, сојузник на НАТО, но за забелешките на Трамп за Гренланд рече: „Ова не е шега“.

– Претседателот Трамп го објави она што има намера да го направи, а тоа е да го купи. Ова не е за стекнување земјиште заради стекнување земјиште. Ова е наш национален интерес и треба да се реши – рече Рубио.

Осврнувајќи се на гаранциите на НАТО за Данска, Рубио рече:

– Ние имаме договор за одбрана со нив за да го заштитиме Гренланд доколку биде нападнат – изјави Рубио за радиото SiriusXM.

Continue Reading

Македонија

ПРИСВОИЛ НАД 25 МИЛИОНИ ДЕНАРИ И ЗАТАИЛ ДАНОК ОД 6 МИЛИОНИ Бизнисмен од Василево не пријавувал добивка пет години

Published

51 mins ago

on

January 31, 2025

By

Како што информираат од Управата за финансиска полиција, К.Х. во периодот од 2019 до 2024 година свесно и со намера ја присвоил акумулираната добивка од 25.174.878 денари, намалувајќи ја основната главнина на фирмата и избегнувајќи пресметка и плаќање на законските давачки.

Финансиската полиција поднесе кривична пријава против К.Х., сопственик и управител на конфекциската компанија „Хелена ДООЕЛ“ од Василево, Струмица, поради сомнение за даночно затајување во вредност од над 6,1 милиони денари.

Како што информираат од Управата за финансиска полиција, К.Х. во периодот од 2019 до 2024 година свесно и со намера ја присвоил акумулираната добивка од 25.174.878 денари, намалувајќи ја основната главнина на фирмата и избегнувајќи пресметка и плаќање на законските давачки.

„Осомничениот не извршил отпис на застарени побарувања од купувачи во износ од 13.973.029 денари, а дополнително присвоил текстилни производи вредни 9.959.394 денари, без да ги евидентира во сметководствената евиденција како кусок. Со тоа, избегнал плаќање на данок на добивка и ДДВ во значителни суми“, информираат од Финансиската полиција.

Од Управата додаваат дека пријавениот пет години не поднел завршни сметки до Управата за јавни приходи (УЈП) и Централниот регистар, што дополнително ја прикрило незаконската активност.

„Со ова, пријавениот избегнал пресметка и уплата на данок на добивка во износ од 2.094.156 денари, како и данок од неотпишаните побарувања во висина од 1.397.303 денари. Дополнително, за неевидентираниот кусок на производи, не платил данок на додадена вредност од 1.792.691 денари и данок на добивка од 872.079 денари. Вкупно, Буџетот на Република Северна Македонија е оштетен за 6.156.229 денари“, нагласуваат од Финансиската полиција.

Случајот е предаден на Основното јавно обвинителство во Струмица, кое треба да одлучи за следните правни чекори.

Continue Reading

Македонија

Дневен хороскоп за петок, 31-ви јануари 2025-та

Published

1 hour ago

on

January 31, 2025

By

ОВЕН
Фокусирајте се на вашиот внатрешен потенцијал и можноста да го манифестирате најдоброто јас. Опуштете се и оставете стравовите да останат во заднината додека се стремите кон хармонија. Запомнете дека вашата улога е позначајна отколку што сфаќате. Смело тргнете напред и не двоумете се да ја претворите вашата ранливост во сила.

БИК
Денеска ќе имате можност да ја искористите вашата интуиција во стремежот кон постигнување на долгорочни цели. Верувајте им на вашите чувства за да го пронајдете вистинскиот пат. Тешкотиите на коишто наидовте досега ќе бидат надминати, затоа напредувајте со самодоверба. Запомнете дека имате моќ што ги надминува вашите очекувања.

БЛИЗНАЦИ
Денеска потсетете се на огромниот потенцијал што го поседувате и кој е дел од вашата суштина. Наместо да се стремите кон совршенство од самиот почеток, дозволете си да започнете со полесни напори и да уживате во патувањето. Способноста да се комбинираат логиката и креативноста е клучот за вашиот успех. Искористете ја оваа рамнотежа за да создадете нешто магично.

РАК
Ќе имате можност да замислите живот исполнет со хармонија, каде радоста се шири меѓу сите. Вистинското изобилство не доаѓа од алчност, туку од дарежливост и споделување. Верувајте ѝ на вашата интуиција, која ќе ве води до скриените богатства. Вашата великодушност ќе привлече позитивна енергија кон вас и кон оние околу вас.

ЛАВ
Насочете ја својата енергија кон позитивни мисли и зборови кои ќе ви го збогатат денот. Ослободете се од грижите и верувајте во вашата интуиција, која ќе ве води низ секоја препрека. Постапувајте со смирена самодоверба што ја поседувате. Вашата иднина носи возбудливи можности.

ДЕВИЦА
Денеска е ден за откривање нови хоризонти и можности. Како семе кое посегнува по сонцето, и вие можете да се ослободите од ограничувањата и да го ослободите својот потенцијал. Изразете ја вашата единствена суштина и гледајте како трансформацијата ве води до позначаен и поисполнет живот.

ВАГА
Денеска вашите заемни односи се светлината што го осветлува вашиот пат. Гледајте ја љубовта како сила што ве води низ сложениот лавиринт на секојдневниот живот. Наместо да се фокусирате на рамнотежата меѓу давање и земање, ценете го изобилството од поддршка и љубов што веќе ги имате. Создадете подлабоки врски кои ве исполнуваат со радост и значење.

ШКОРПИЈА
Денеска ќе почувствувате како вашата внатрешна сила расте и ќе ви го трансформира животот. Моментот е погоден за акции водени од инспирација и решителност. Додека ја користите оваа енергија, не заборавајте да си дадете време за одмор и размислување. Сега се отвораат нови можности пред вас и ве охрабруваат да продолжите напред.

СТРЕЛЕЦ
Денеска дозволете си да блеснете со својата автентичност и уживајте во животот без непотребни грижи. Вашата креативна енергија тече како река, внесувајќи свежина и нови можности. Верувајте му на вашето чувство за магијата што ве опкружува и визуелизирајте го животот што го посакувате. Верувајте дека веќе сте на пат да го постигнете тоа.

ЈАРЕЦ
Денеска треба да покажете решителност и да ја покажете силата што ја поседувате. Сепак, можеби ќе треба да се прилагодите на неизбежните промени. Флексибилноста ќе ви овозможи да најдете нови начини да го изразите својот потенцијал. Искористете ја оваа енергија за да ги постигнете вашите цели.

ВОДОЛИЈА
Денот е погоден за ослободување од токсичност и за наоѓање мир во себе. Дозволете си да уживате во малите радости и лесно да гледате на животот. Среќата доаѓа кога ќе одберете да ја создадете во вашиот внатрешен свет. Во оваа атмосфера на спокојство ќе најдете инспирација за нови идеи.

РИБИ
Денеска сте особено креативни, затоа искористете го моментот за да го развиете својот потенцијал. Грижете се за себеси и работете само на вашите најважни цели. Внимателно поедноставете ги вашите задачи и дадете приоритет на она што навистина е важно за вашата иднина.

Continue Reading
Advertisement
Advertisement

Трендинг

Copyright © 2024 Булевар.мк