Македонија

Дворот на подрачното училиште во населба Горно Оризари со нов лик и реконструирана инфраструктура

Published

2 months ago

October 31, 2024

Подрачното основно училиште „Тодор Ангелевски“ – Населба Горно Оризари -Битола, доби нова фекална и атмосферска мрежа, која е од исклучителна важност за училиштето. Заменети се старите водоводни цевки на водоводната линија во школскиот двор, заменети се сите капаци од шахтите во школскиот двор, кој ја осигуруваат безбедноста на учениците. Реконструирани се 500 квадратни метри пешачки патеки во школскиот двор на ПОУ „Тодор Ангелевски“- Населба Горно Оризари, информира Благоја Трајковски раководител на училиштето.

Во следниот период е планирано хортикултурно уредување на зелените површини во школскиот двор, на кој најмногу ќе се радуваат учениците.

„Како што сите знаеме, секој почеток е тежок. Се кажува дека големината за успесите е упорноста, желбата и истрајноста за тоа што го работиме, кога сето тоа се работи со љубов, тогаш ќе се исплати. Голема благодарност до фирмите: – Хидроинженеринг дооел-Пеце Ристевски кој е заслужен за убавиот изглед на пешачките патеки во школскиот двор,со донација од 500 метри квадратни бекатонски плочници. – Јоска транс трејд- Зоран Блажевски, – Боливе дооел- Зоран Стојановски, – Екстра бабале- Боби Божиновски. Благодарност до градоначалникот Тони Коњановски и секретарот Борче Димитровски на Општина Битола. Благодарност до нашиот драг пријател и наш родител Пеце Милевски кој секогаш придонесува и помага за потребите на нашето училиште. Исто така им благодариме на директорот Зоран Талевски и вработените на КЈП Јавно претпријатие Нискоградба – Битола. Благодарност до ЈКП Водовод – Битола. Им благодариме на урбаната заедница „Горно Оризари“, родителите и до сите други кои на некој начин придонесоа за успешна реализација за реконструкција на школскиот двор на ПОУ „Тодор Ангелевски“ – Населба Горно Оризари. Ви благодарат учениците на ПОУ „Тодор Ангелевски“ – Населба Горно Оризари за несебичната помош и придонес за подобрување на условите на нашето училиште, без вас немаше да успееме, стои во изјавата на Благоја Трајковски раководител на ПОУ „Тодор Ангелевски“ Населба Горно Оризари – Битола.

Македонија

Скопјанка точно на полноќ нападната во угостителски објект

Published

3 mins ago

January 12, 2025

Арлингтон

Денеска (12.01.2025) во 02.00 часот во СВР Скопје, С.С.(50) од с.Трубарево, скопско, пријавила дека околу 00.00 часот во угостителски објект во селото, била физички нападната од Г.Н. од с.Јурумлери, скопско.

Се преземаат мерки за расчистување на случајот, велат од МВР.

Македонија

Приведени четири лица, незаконски ловеле

Published

4 hours ago

January 12, 2025

Арлингтон

Во близина на место викано Караула Моин, полициски службеници од Полициската станица за граничен надзор и граничен премин Богородица вчера околу 14.30 часот ги лишиле од слобода О.И.(26), К.К.(53), Д.Т.(35) и Ж.У.(25), сите од Гевгелиско, поради постоење основи на сомнение за сторено кривично дело „незаконит лов“ и „недозволено изработување, држење и тргување со оружје или распрскувачки материи“.

При извршена контрола, соопштија денеска од МВР, кај О.И. била пронајдена ловна пушка „сухл“ и два ловечки патрона, кај К.К. ловна пушка „застава“ и девет ловечки патрони, а кај Д.Т. ловна пушка карабин „застава“ и 12 куршуми, како и други предмети.

Известен бил јавен обвинител и по целосно документирање на случајот ќе следува соодветен поднесок.

Македонија

Македонски Бугари оддадоа почит пред спомен-плочата на Мара Бунева во Скопје

Published

4 hours ago

January 12, 2025

Арлингтон

Десетина граѓани кои се декларираат како македонски Бугари денеска, како и во минатите години, оддадоа почит на спомен-плочата на Мара Бунева на кејот на Вардар во центарот на Скопје, по повод 97 години од нејзината смрт.

На спомен-плочата и пред слика на Бунева што ја донесоа, тие оставија цвеќе откако претходно организираа панихида во црквата „Св. Димитрија“ и по оддавањето почит и заедничкото фотографирање се разотидоа од местото на чествувањето.

На прашање од медиумите дали имаат порака, еден од нив кратко изјави дека очекуваат македонските Бугари наскоро да бидат ставени во Уставот на Северна Македонија и, како што рече, „да заврши омразата меѓу балканските народи“.

-Македонија си е држава, но има и македонски Бугари. Ние месните, овде што се собираме, сме македонски Бугари. Кога еден ден ќе нѐ стават во Уставот, се ќе си дојде на свое место.

Очекуваме тоа да биде наскоро, тоа е природен процес, мора да биде тоа така. Само ние не сме во Уставот, рече тој.

Мара Бунева (1902 — 1928), родена во Тетово, на 14 јануари 1928 на кејот на Вардар во Скопје извршила атентат врз српскиот државен обвинител Велимир Прелиќ и потоа се самоубила.