На 10.01.2025 во 11 часот во СВР Тетово, 41-годишник од тетовско село пријавил дека бил измамен од А.И. (58) од с. Теарце, кој требало да му изврши градежни работи за цена од 27.000 евра, но иако му било платено (дел во кеш, а дел со тоа што му дал возило „Мерцедес“), ниту ја завршил работата ниту пак се јавувал на телефонските повици на оштетениот.

Исто така, во 14 часот во СВР Тетово, 43-годишник од друго тетовско село пријавил дека бил измамен од А.И. (58) од с. Теарце, кој за да му плати претходен долг му го дал возилото „Мерцедес“, кое било на име на 41-годишникот, кој пријавил дека е оштетен од А.И. Се преземаат мерки за расчистување на случајот.

На 10.01.2025 во 16 часот, во СВР Тетово, 25-годишник од Струга пријавил дека бил измамен од А.М. од Тетово, на кого му дал 50.000 евра за патничко возило „Мерцедес“, но А.М. ниту му го дал возилото ниту потпишал договор на нотар. Се преземаат мерки за расчистување на случајот.

На 10.01.2025 во 13.15 часот, полициски службеници од СВР Тетово на улица „Илинденска“ во Тетово, по судска наредба, го привеле С.М. од Р. Турција, со привремен престој во Тетово, поради затворска казна во врска со член 297 ст. 3. Тој е предаден во КПУ Затвор Куманово, за издржување на казната.