Коалицијата Вреди апелира до сите општествени чинители, но и до сите членови на ДУИ, да ја поддржат борбата за демократија, транспарентност и одговорност, со цел да се спречат понатамошните штетни политики на ова дискредитирано раководство, се наведува во соопштението на коалицијата. Единствениот пат за излез од длабоката политичка корумпираност, се додава во соопштението, е целосна маргинализација на ова раководство на ДУИ.

„Ниту пратениците на ДУИ не веруваат во политиката која ја води врвот на ДУИ. Никој повеќе не верува на празните зборови на Али Ахмети, Бујар Османи и на Блерим Беџети. Вчерашното гласање за интерпелацијата против Министерот за животна средина и просторно планирање, Изет Меџити, претставува јасен доказ дека ДУИ веќе нема контрола ниту врз сопствената пратеничка група. Само три пратеници успеаја да гласаат за интерпелацијата, што е сериозна нефункционалност на ДУИ, сериозно разединување и брз политички распад на ДУИ“.

Ова се наведува во соопштението на коалицијата Вреди.

„Пораките од ДУИ не стигнуваа до никого во меѓународната заедница, ДУИ е изолирана. Денес не стигнуваат ниту до нивната пратеничка група. Со ова гласање, потпретседателот на Владата, Изет Меџити, добива дополнителен легитимитет и потврда за својата борбата против корумпираното раководство на ДУИ, кое за жал е предводено од Али Ахмети, Бујар Османи, Артан Груби и Блерим Беџети. Станува сè поочигледно дека дури ни членството на ДУИ, ни пратениците, како ни пошироката албанска јавност во Северна Македонија, не ја поддржуваат оваа група која ја узурпира моќта, не ги поддржуваат старата слава на ДУИ и спомените од минатото“, се наведува во соопштението на Вреди.

Нивната изолација е очигледна, се додава во соопштението, ДУИ е исклучена од меѓународната заедница и нема никаква поддршка, ни соработка со која било од останатите нормални прозападни политички субјекти во Македонија. Пратениците на ДУИ го гледаат тоа и имаат задача пред чесните гласачи сѐ погласно и почесто да се спротивстават на погубните политики на нивното раководство, се потенцира во соопштението на коалициајта Вреди.

„Следниот пат кога Блерим Беџети ќе се обиде да креира политика, да се потсети на вчерашниот ден. Нема поголем губитник од него и од неговата иницијатива. Исто како на претходните парламентарни избори, каде што ни гласовите на т.н. Европски Фронт не му беа доволни и изгуби наспроти Вреди. Сѐ додека настапува како заштитник на Артан Груби, нема да поминува различно ни кај граѓаните ни кај своите сопартијци. Ќе продолжи да биде само еден од губитниците. Вреди апелира до сите општествени чинители, но и до сите членови на ДУИ, да ја поддржат борбата за демократија, транспарентност и одговорност, со цел да се спречат понатамошните штетни политики на ова дискредитирано раководство. Единствениот пат за излез од длабоката политичка корумпираност е целосна маргинализација на ова раководство на ДУИ“, велат од партијата.

На 09.01.2025 во 22.56 часот во Полициската станица Берово стасала пријава за сообраќјна несреќа. На регионалниот пат с.Владимирово-Берово, патничко возило „опел фронтера” со пехчевски регистарски ознаки излетало надвор од коловозот.

Возилото го управувал М.В.(45) од с.Чифлик, пехчевско. Тој се здобил со тешки телесни повреди и е пренесен во Клиничката болница Штип. Извршен бил увид од увидна екипа на ОВР Берово.

На 10.01.2025 во 18.30 часот во СВР Скопје, било пријавено дека околу 15.40 часот во маркет на подрачјето на Карпош, машко лице со физичка сила и закана со остар предмет кон вработените се обидело да одземе производи, но не успеало.

При тоа и нанел повреда на една од вработените. 

Се преземаат мерки за расчистување на случајот.