АД ЕСМ ја известува јавноста дека не е избран економски оператор за ископ на јаглен и меѓуслојна јаловина во РЕК „Битола“, по огласот објавен на електронскиот систем за јавни набавки (ЕСЈН) на 13 декември, минатата година. Согласно со завршената евалуација, Комисијата за јавни набавки при АД ЕСМ констатирала дека според податоците за техничко-професионална способност содржани во доставените понуди, ниту една од пријавените фирми не ги исполнила целосно побараните условите од повикот.

Имено, констатирано е дека наведените критериуми во делот на референците што се однесуваа на исполнување на најмалку една услуга за ископ од минимум  500.000 тони јаглен во последните три години, и  извршени услуги за ископ на земјени или карпести маси или руда во износ од минимум 3 милиони метри кубни – кумулативно во последните три години,  драстично ја ограничиле конкуренцијата.

Во интерес на времето, АД ЕСМ во текот на неделава ќе распише нов оглас во согласност со  Законот за јавни набавки и во делот на техничко – професионалната способност ќе изврши одредени олеснувања со кои би се овозможила поголема конкуренција, односно поголем број на потенцијални економски оператори да достават понуди за конкретниот предмет на набавка. Истовремено, во новообјавениот повик, на сметка на олеснетите критериуми за референци за ископ, ќе се бара поголема техничка опременост на компаниите со цел да се зголеми квалитетот и обемот на услугата, како во делот на ископ на јаглен, така и во делот на ископ на јаловината чиј третман е од исклучително значење за геомеханичката стабилност и функционалност на рудникот.  

Пролонгирањето на избор на економски оператор преку редовна постапка, во никој случај нема да има влијание на роковите и вредноста од договорот со привремено ангажираниот економски оператор за ископ на јаглен и јаловина, ниту пак АД ЕСМ ќе има потреба од реализација на нова постапка со преговарање. Новиот оглас повторно ќе биде со временски рок за поднесување на понудите од 20 дена, со што целата процедура за избор на договорен економски оператор се очекува да заврши пред исцрпување на вредноста од договорот за привремен ангажман.

Економијата е во фокусот на Владата на Македонија и во изминатите 6 месеци од својот мандат посветува внимание да направи промени коишто ќе донесат предвидливост за инвеститорите и подобри услови за инвестирање. Ова го порача министерката за финансии Гордана Димитриеска-Кочоска која беше воведен говорник на Форумот на „Инвисо”, претходно познат како Еуромани”, којшто се одржува во Виена. Воведни обраќања имаа и првиот потпретседател на ЕБОР Јирген Ригтеринк, гувернерот на централната банка на Австрија и член на УО на Европската централна банка, Роберт Холцман, заменик-министерот за финансии на Грузија Екатерина Гунтсатце и заменик-претседател за регионот во Меѓународната финансиска корпорација при Светската банка, Алфонсо Гарсија Мора.

„Во овие шест месеци од преземање на власта сме фокусирани на економијата и на она  што треба да промениме и е важно за инвеститорите. Во изминатите 7 години се направени многу промени во даночната политика и затоа ние велиме дека треба да имаме предвидлива даночна политика, данок со рамни стапки и дека како и во преходниот период и во следните 4 години ќе биде стабилно и нема да правиме промени. Тоа е важно за компаниите да можат да ги прават своите планови”, рече министерката.

Таа додаде дека друг значаен аспект на кој е фокусирана Владата е инфраструктурата и дека целта е да се покажат резултати на дело. „Успеавмe да завршиме сериозен експресен пат кој го поврзува Скопје со Софија. Исто така, фокусирани сме на финализирање на патната делница во западниот дел од државата од Кичево до Охрид, на кој се работи повеќе од 10 години и очекуваме во следните 2 години да биде завршен. За инвеститорите ова е многу важно особено затоа што во регионот на Охрид  има многу странски инвестиции”, истакна Димитриеска-Кочоска.

Министерката потенцира дека се преземаат сериозни активности и во борбата со криминалот и корупцијата, активности на полето на фискална консолидација и намалување на буџетскиот дефицит, како и други реформи кои се важни за инвеститорите.

„Многу сме сериозни и фокусирани на економијата и можам да ветам дека во наредниот период ќе покажеме сериозни резултати. Веќе ги покажуваме и сега, а сериозен доказ за тоа е растот на БДП во третиот квартал.  Работиме и на реформи што се многу важни за нас и за инвеститорите, што значи се обидуваме целосно да го смениме концептот на работа и тој да биде заснован на професионалност”, рече министерката.

Во обраќањето се осврна и на спроведување на реформите поврзани со евроинтеграцијата на нашата земја при што истакна дека се следи Реформската агенда и дека ќе бидат завршени преземените обврски во врска со неа.

„Она што е утврдено со Реформската агенда ќе го завршиме. Веќе се подготвува договорот за побарување на средствата  и сме прва земја од петте во Западен Балкан што ги исполни обврските, што значи дека сме многу сериозни“, истакна министерката за финансии.

На маргините на форумот, министерката за финансии ќе оствари повеќе средби со инвеститори и претставници на меѓународни финансиски институции.

Инаку, Форумот е годишен настан којшто на едно место спојува професионалци од различни сегменти на финансискиот и банкарскиот сектор и  дава можност за информирање за најновите случувања во финснсискиот свет и отворење дискусија за трендовите и иднината на финансиските пазари.

Извор: Pari.mk

Проценката е дека инвестицијата на Групацијата 4iG во опрема за мобилната мрежа за ОНЕ Албанија ќе изнесува 50 милиони евра, откако на аукција ги обезбеди основните фреквенции од државниот спектар 

Групацијата 4iG, водечка ИКТ компанија од Унгарија и од Западен Балкан, влезе во партнерство со компанијата Ериксон за развој на мобилна мрежа со високи перформанси во Албанија. Инвестицијата во идната инфраструктурна се базира на обезбедувањето на 5G фреквенции од ОНЕ Албанија, подружница на 4iG.

ОНЕ Албанија e првиот оператор во земјата што лансираше комерцијални 5G услуги на 25 ноември 2024 година во земјата. Новите фреквенции беа купени за 5,4 милиони евра на компетитивна аукција на фреквенции, а сосема новиот 5G пакет ќе биде ставен во целосна употреба со инвестирање во мрежна опрема од Ериксон во следните години. Овој развој на настаните е во согласност со унгарската напредна инвестициска стратегија на Групацијата 4iG во Албанија и регионот на Западен Балкан.

„Со Ериксон започнуваме уште едно долгорочно патување, којшто е долгогодишен технолошки партнер во Албанија. Групацијата 4iG е регионална компанија за информатичка комуникација со силно присуство во регионот на Западен Балкан. Албанија е еден од нашите водечки пазари и затоа треба да ги земеме предвид правните и политичките аспекти, кога станува збор за големи стратешки одлуки“, рече Петер Фекете, извршен директор на Групацијата 4iG.

„Овој договор ја истакнува посветеноста на Ериксон за унапредување на 5G иновациите во земјата. Преку имплементација на 5G технологија, ние овозможуваме побрзо, посигурно и одржливо поврзување, поставувајќи ја основата за услугите од следната генерација. Како што расте побарувачката за мрежа со високи перформанси, нашето партнерство со ОНЕ Албанија, подружница на Групацијата 4iG, ќе ги поддржи потребите што се развиваат и кај потрошувачите и кај бизнисите“, изјави Антонио Пасарела, одговорен за Западен Балкан во Ериксон.

Инвестиција во мрежата изнесува над 50 милиони евра започнува со обезбедување  сеопфатна покриеност со 5G мрежа со висок капацитет низ клучните стратешки области, како што се големите пристаништа и аеродроми, индустриските зони, критичните болнички области во Тирана, како и најпосетуваните крајбрежни локации. Потоа инвестицијата продолжува со обезбедување средно-појасна 5G покриеност со висок капацитет на сите градови во Албанија до 2028 година, достигнувајќи 85% покриеност на населението до крајот на 2030 година.

Опсегот на договорот помеѓу Групацијата 4iG и Ериксон вклучува мобилен радио пристап и инвестиции во основната мрежа, обезбедувајќи ја најнапредната 5G Stand Alone (5G SA) технологија. Благодарение на досегашната соработка со Ериксон и Групацијата 4iG, ОНЕ Албанија е рангирана како најдобра мобилна мрежа врз основа на независни одредници со години. Вредноста и високиот стандард на инвестициите ја покажуваат долгорочната посветеност на Групацијата 4iG кон земјата и телекомуникацискиот пазар. Албанската подружница, исто така, ги имплементира иновациите и инвестициите на фиксниот широкопојасен фронт, а во ноември 2024 година лансираше и широкопојасен интернет од 10 Gbit.