Месец Рамазан се приближува. На 13 април верниците муслимани ќе почнат да постат. Минатата година овој месец помина со полициски час. Иако е традиција за ифтар – вечера да се поканат гости или да се отиде некаде, граѓаните поради ситуацијата со корона вирусот лани немаа таква можност. Но, дали ќе се случи истото и годинава? Дали ќе се воведе полициски час за да се спречи собирањето на граѓаните во домовите? Министерот за здравство, Венко Филипче, смета дека рано е да се предвиди такво нешто.

Драфт-верзијата на измените на Законот за работни односи кои предвидуваат денот недела да биде неработен ден ќе се најде на денешната седница на Економско социјалниот совет (ЕСС). Одлуката недела да биде неработен ден Владата ја донесе на почетокот на ноември и требаше во рок од 14 дена Министерството за труд и социјална политика да подготви законско решение, но по три месеци од одлуката имаме само драфт-верзија.
Според министерката за труд и социјална политика Јагода Шахпаска во дел од дејностите не може во целост да се воведе недела да биде неработен ден, односно работниот процес не може да запре и во недела. Во една од дискусиите на оваа тема таа изјави и дека кравите мора да се молзат во недела, за да има млеко во понеделник.

Предлогот недела да биде неработен ден наиде на поделени мислења кај работниците и работодавачите. Работодавачите сметаат дека земјава не е толку економски развиена и богата за да си дозволи недела да биде неработен ден за сите. Според нив, во недела се остварува значителен промет во стопанството што земјата не смее да го изгуби, особено приходите од викенд туристите од соседните земји.

Сојузот на синдикати смета дека со донесување на законско решение недела да биде неработен ден ќе се унапредат работничките права, работникот ќе биде попродуктивен, ќе има повеќе време за семејството, за одмор и професионално надградување и дообразување, а обврските можат да се завршат во текот на неделата, а истовремено да не трпи ниту бизнисот ниту работниците.
Од Организацијата на работодавачи сметаат дека треба да ја утврди листата на сезонски работи, каде нема да се инсистира во текот на сезоната неделата да биде неработен ден. Потоа, во индустријата каде има печки кои не смеат да се изгаснат да не мора недела да биде неработен ден, туку било кој друг ден во текот на неделата, и во сите други случаи недела да биде неработен ден, само по исклучок работниците да се викаат на работа во недела и за тој ден да добијат дневница повисока за 35 отсто.
И од Конфедерацијата на слободни синдикати предлагаат секоја работа во недела да се пресметува како прекувремена работа и да се исплаќа дневница која ќе биде за 35 отсто повисока од редовната.

Илјадници луѓе продолжија од паркот Чаир кон Трговскиот центар „Мавровка“ за да го завршат протестот пред Основното јавно обвинителство. Протестот го предводат роднини на обвинетите во случајот „Монструм“, кои ги отфрлаат обвинувањата на Обвинителството.

Во завршните зборови на последното судско рочиште за случајот, Основното јавно овинителство (ОЈО) побара највисоки казни за нив поради петкратното убиство кај Смилковското езеро.

https://www.facebook.com/lajmtvonline/videos/428742271702583/

Македонската поп икона Тоше Проески денеска ќе наполнеше 40 години, а неговата сестра направи торта за роденденот на нашиот најдобар пејач и истата ја сподели на социјалните мрежи.

По повод неговиот роденден, во Загреб вчера се одржа молитва, додека во Скопје, во АРМ ќе се одржи традиционалната крводарителска акција по 17 пат.

Тоше беше роден на 25 јануари 1981-та година во Прилеп. Кариерата ја започна многу млад, а со мега популарност се стекна за само неколку години.

Во краткиот период на слава тој ги полнеше сите регионални концертни сали, а во Македонија ќе биде единствениот кој трипати го наполни градскиот стадион во Скопје.

Додека јануари носи снег во многу краеви на светот, во Сахара или на Блискиот исток тоа не е толку вообичаено. Сепак, овие денови ситуацијата таму е поинаква.

Снег падна во пустината Сахара, а во Саудиска Арабија температурите се спуштија и до минус 2 степени.

На третиот ден од празникот Божик светата православна црква го празнува споменот на светиот архиѓакон и првомаченик Стефан. Тој е наречен првомаченик затоа што тој прв настрадал за Христовата вера.

Веднаш по слегувањето на Светиот Дух во Ерусалим била формирана христијанска општина, биле избрани седум ѓакони да се грижат за сиромасите, за болните, старите, вдовиците и да ги делат подароците што христијаните ги давале на црквата. Најстар во тие седум ѓакони бил Стефан поради што бил наречен архиѓакон.

Еднаш мноштво Евреи, фарисеи и садукеи се расправале за Исус Христос. Едни тврделе дека е вистински син Божји, други дека е пророк, трети дека е измамник. Тогаш се замешал Стефан кој инспиративно зборувал за Исус Христос напомнувајќи дека во него не веруваат само лошите луѓе. Посрамотените противници што не можеле на Стефан да му се спротивстават со факти веднаш го наклеветиле пред насобраниот народ дека ги навредувал Мојсиевите закони. Разгневениот народ поверувал на лажните обвиненија и на лажните сведоштва. Го изнесле Стефана надвор од градот и го каменувале. Умирајќи тој се молел на Бога за себе си, но и за тие што го убиле. Во претсмртниот час извикал: „Господе, не земај им го ова за грев.“ Народот што го каменувал Стефана му ја соблекол белата облека и му ја дал на едно момче по име Савле да ја чува. Тоа момче, во тоа време жесток противник и прогонувач на христијаните, подоцна со името Павле, станало најголем приврзаник и афирматор на христијанството. Христијаните го зеле телото на Стефана и достојно го погребале во близината на Ерусалим. Култот на св. Стефан е стар колку и самата Христова црква, зашто тој е почитуван исто колку и апостолите. Уште светиот апостол Павле него го нарекува маченик Христов. Култот особено пораснал по наоѓањето на неговите мошти и нивното пренесување во Цариград. Преданието вели дека пренесувањето на моштите на св. Стефан во Цариград било за време на владеењето на Константин Велики и за време на патријархот Митрофан. Животните што ја влечеле колата во кои биле моштите на св. Стефан на едно место одеднаш застанале и со човечки глас рекле: „Зошто нè тепате? Светецот треба да биде поставен овде!“ Царот веднаш на тоа место подигнал црква посветена на првомаченикот.

И во црковните песни и проповеди св. Стефан се нарекува: прв, врв на мачеништвото, почеток на мачеништвото, прв во маченичката фаланга итн.

Народот го празнува Свети Стефан на 9. I./27 XII, а тоа е третиот ден од празникот Божик. Тогаш се оди на именден кај Стефановци, но сите песни, верувања и обичаи што се изведуваат на овој ден се поврзани со Божик.

Во некои села на овој ден домаќинот со секира оди до овоштарникот да ги исече неродните стебла. Зам,авнува со секирата, а некој кој е со него го одвраќа од сечата,. велејќи му да не сече, затоа што оваа година ќе родат, па става една рака Божиќна слама околу стеблата. На некои места Божиќнатѕа слава се чисти веднаш после полноќ на Свети Стефан, Сламата според народните верувања ја собираат жените кои треба да бидат тивки и да молчат да не се чуе како заминува Божиќ. Метлата со која се чисти сламата не се користи во текот на годината туку се чува поради здравје.

Каква забегана држава треба да си за да штитиш бизнис кој уништува семејства, уништува луѓе а притоа „Апелираш да нема собири и коледари за Божиќ, да сме ја прескокнеле оваа година“?

На почеток ова е една кратка проблематика со која се соочуваме деновиве па да почнеме да размислуваме на оваа тема малце. Еве да речеме дека државата е во право гледајќи ги бројките од тоа колку данок пријавувааат овие „тајкунски бизниси“ како казина, коцкарници и ред други бизниси од типот „дај 1000ка до први ти ја враќам“ доаѓаме до заклучок дека само тоа функционира во нашата прекрасна земја.

Се прашувате ли некогаш зошто, на секој ќош се отвараат коцкарници а се затвараат бизниси со кој се хранат фамилии ?, нормално па тоа на некој му одговара едноставно е. За да ја направите оваа атмосфера потребни ви се 2 параметри политика + пари, големците кои стојат позади овие бизниси најчесто се поврзани со секоја можна структура во политика, за тоа е фактот зошто никој не се осудил да каже нешто против тоа на сите им одговара.

Државата е во право

Бројките кои казината ги пријавуваат како данок се енормни, лиценците чинат до 1 000 000 евра со влог, и нормално дека државата вака го гледа тоа, нашата економија е базирана на коцка по едноставно амин. А тие што ги држат нема смисла да инвестираат толку пари а државата да не им искочи во пресрет така да вин-вин ситуација.

Верските обичаи се наменети за да ја зачуваме нашата вера која е постара и од формирањето на поимот „Држава“, штета што некои работи функционираат заедно. 3-4 генерации од сега ќе заборават што е Божиќ поради вакви бизнис интереси и не само тоа тек што не очекува. Проблемот не е само тука кај нас, се работи на некоја агенда за ништење на нешто свето.