Во целост ќе бидат затворени улиците од пред ТЦ Палома Бјанка до Црвен крст (ул.Димитрие Чуповски и ул.11ти Октомври) и од Собранието до ГТЦ (ул.Филип Втори Македонски).

Ве информираме дека во недела (17.11.2024 год) во период од од 16:00 до 18:00 часот или до ослободување на затворените улици, поради одржување на Атлетска трка, неколку сообраќајници ќе бидат затворени, па од тие причини дел од линиите од јавниот превоз ќе сообраќаат по изменет режим од вообичаениот, информираат од ЈСП Скопје.

Во целост ќе бидат затворени улиците од пред ТЦ Палома Бјанка до Црвен крст (ул.Димитрие Чуповски и ул.11ти Октомври) и од Собранието до ГТЦ (ул.Филип Втори Македонски).

Изменети траси ќе имаат линиите 4, 4А, 5, 7, 15, 21, 21А, 21Б, 22, 23, 24, 27, 50, 50А, 57 и 59.

ТРАСИ НА ДВИЖЕЊЕ

Линија бр.4: Во насока од нас.11ти Октомври кон Хром ќе сообраќаат на тој начин што од ул.11ти Октомври врти лево по ул.Кирил и Методиј, кај Дом на печат десно по бул.Климент Охридски, лево на бул.Партизански Одреди и продолжува по својата траса.

Во обратна насока од бул.Партизански одреди ќе вртат десно по бул.Климент Охридски, лево по ул.Железничка, кај Неуромедика ќе вртат лево по Јужен булевар до крстосницата кај Тутунски комбинат, потоа десно по ул.11 Октомври и ќе продолжува по својата вообичаена траса.

Линија бр.4А: Во насока од Усје кон Тафталиџе ќе сообраќа на тој начин што од ул.11ти Октомври врти лево по ул.Кирил и Методиј, кај Дом на печат продолжува право и од кружниот тек кај католичка црква продолжува по ул.Митрополит Теодосиј Гологанов по својата траса.

Во обратна насока од ул.Митрополит Теодосиј Гологанов, десно по бул.Климент Охридски, лево по ул.Железничка, кај Неуромедика ќе вртат лево по Јужен булевар до крстосницата кај Тутунски комбинат, потоа десно по ул.11 Октомври и ќе продолжува по својата вообичаена траса.

Линија бр.5: Во насока од Ново Лисиче кон Ѓорче Петров ќе сообраќаат на тој начин што од Југодрво продолжува право по ул.Кирил и Методиј, кај Дом на печат продолжува право и од кружниот тек кај католичка црква продолжува по ул.Митрополит Теодосиј Гологанов по својата траса.

Во обратна насока од ул.Митрополит Теодосиј Гологанов, десно по бул.Климент Охридски, лево по ул.Железничка, кај Неуромедика ќе вртат лево по Јужен булевар до крстосницата кај Тутунски комбинат, потоа лево по ул.11 Октомври и ќе продолжува по својата вообичаена траса.

Линија бр.7: Во насока од Лисиче кон Карпош ќе сообраќаат на тој начин што од Југодрво продолжува право по ул.Кирил и Методиј, кај Дом на печат десно по бул.Климент Охридски, лево на бул.Партизански Одреди и продолжува по својата траса.

Во обратна насока од бул.Партизански Одреди врти десно по бул.Климент Охридски, лево по ул. Железничка, кај Неуромедика ќе вртат лево по Јужен булевар до крстосницата кај Тутунски комбинат, потоа десно по ул.11 Октомври и ќе продолжува по својата вообичаена траса.

Линија бр.15: Во насока на Ново Лисиче кон Карпош ќе сообраќаат на тој начин што од Југодрво продолжува право по ул.Кирил и Методиј, кај Дом на печат десно по бул.Климент Охридски, лево на бул.Партизански Одреди и продолжува по својата траса.

Во обратна насока од бул.Партизански Одреди врти десно по бул.Климент Охридски, лево по ул.Железничка, кај Неуромедика ќе вртат лево по Јужен булевар до крстосницата кај Тутунски комбинат, потоа лево по ул.11 Октомври и ќе продолжува по својата вообичаена траса.

Линии бр.21, 21A, 21Б и 22: Во насока од Транспортен центар кон Бардовци и Волково ќе сообраќаат така што кај Комплекс банки продолжува по бул.Крсте Мисирков, лево по бул.Гоце Делчев, бул. Партизански Одреди и продолжува по својата редовна траса.

Во обратна насока се движи по истата променета траса.

Линија бр.23: Во насока од нас.Аеродром кон Дом на печат ќе сообраќа на тој начин што од Југодрво продолжува право по ул.Кирил и Методиј до Дом на печат.

Во обратна насока од бул.Мајка Тереза, лево по ул.Железничка, кај Неуромедика ќе вртат лево по Јужен булевар до крстосницата кај Тутунски комбинат, потоа лево по ул.11 Октомври и ќе продолжува по својата вообичаена траса.

Линија бр.24: Во насока од Кисела Вода кон Тафталиџе ќе сообраќаат на тој начин што кај подвозникот врти лево по ул.Кирил и Методиј, кај Дом на печат десно по бул.Климент Охридски, лево на бул.Партизански Одреди и продолжува по својата траса.

Во обратна насока од бул.Партизански Одреди врти десно по бул.Климент Охридски, лево по ул.Железничка и продолжува по својата траса.

Линија бр.27: Во насока од нас.Аеродром кон Дом на печат ќе сообраќа на тој начин што од Југодрво продолжува право по ул.Кирил и Методиј до Дом на печат.

Во обратна насока од бул.Мајка Тереза, лево по ул.Железничка, кај Неуромедика ќе вртат лево по Јужен булевар до крстосницата кај Тутунски комбинат, потоа лево по ул.11 Октомври и ќе продолжува по својата вообичаена траса.

Линии бр. 50, 50А, 57 и 59: Во правец на Клинички центар, Дом на печат, Козле и Карпош ќе сообраќаат на тој начин што од стојалиштето на Битпазар вртат десно по бул.Гоце Делчев, а после мост Гоце Делчев и бул.Блаже Конески продолжуваат по своите редовни траси.

Во обратна насока се движат по истите променети траси.

Пред самиот почеток на зимската туристичка сезона ски-центарот „Попова Шапка“ е во многу лоша состојба. Не е направен технички преглед на седумте ски-лифтови и жичници, на вработените им доцнат две плати, отворањето на хотелот „Славија“ е под знак на прашање, а за хотелот „Попова Шапка“ е одлучено да не работи, пренесува СДК.

Пред десетина дена конечно е назначен нов управител на Ски-центарот, кој вели дека се преземаат активности за санирање на состојбата, со цел оваа зимска сезона да започне на време, но условите за тоа биле исклучително тешки.

„Сега нашите вработени работат на отстранување на дефектите на ски-лифтовите за да може да им се издаде технички прием. Поправивме два ски-лифта, продолжуваме со поправки и на останатите, но со оваа работа многу доцниме бидејќи сето ова требаше да биде завршено пред два-три месеци, а не сега, пред самиот почеток на сезоната. Ќе се работи и во наредниот период, но најмногу технички проблеми и дефекти имаме со шестоседата жичница. Досега се оспособени само ски-лифтовите ‘Аеродром‘ и ‘Ге‘. Дури откако ќе ги отстраниме сите дефекти, тогаш ќе можеме да повикаме комисија да направи технички прием и да ја потврди нивната исправност. Сепак, верувам дека до почетокот на сезоната ќе успееме да ги средиме работите“, изјави Абдулгани Алији, раководител на Друштвото за туризам, угостителство, рекреација и спорт Ски-центарот „Попова Шапка“.

Во незавидна состојба се и двата хотела, сопственост на Ски-центарот, „Славија“ и „Попова Шапка“. За лошата состојба Алији го обвинува претходното раководство на Ски-центарот.

„Оваа година во употреба ќе биде само хотелот ‘Славија‘, што ќе можеме да го оспособиме за работа, додека хотелот ‘Попова Шапка‘ е во катастрофална состојба и таму оваа сезона ќе нема никакви услови за сместување и престој. Исто така, имаме проблеми со исплата на вработените, на кои им доцнат две плати, за што веднаш побаравме помош од ЕЛЕМ. Проблем ќе биде и бројот на ангажираните луѓе во Ски-центарот, бидејќи сега сме само 42, а според систематизацијата, за нормално функционирање потребно е да има 79 лица“, вели Алији.

Ако се добие потребната техничка дозвола и ако оваа зимска сезона има доволно снег, тогаш сезонските билети за ски-лифтовите купени минатата година ќе важат и оваа зима, бидејќи лани немаше доволно денови со снежна покривка за да можат тие да се искористат.

Од Ски-центарот „Попова Шапка“ засега не размислуваат за нови инвестиции, туку се насочени колку што е можно до почетокот на новата ски-сезона да ги завршат работите и да ги дочекаат првите скијачи. За инвестиции, како што велат, Владата треба да размислува.

Минатата власт помпезно најави дека пронашла сериозен инвеститор од Италија, кој бил подготвен да вложи големи финансиски средства во обновата на „Попова Шапка“, но од него нема ни трага, ни глас. Градоначалникот на Општина Тетово, Билал Касами, неодамна изјави дека се обидел да стапи во контакт со овој италијански инвеститор, но не успеал да го најде.

„Јас не знам кој и што беше тој инвеститор. За жал, во претходната влада сè беше до министрите. Претходниот министер имаше некојси устен договор со инвеститорот, но си отиде министерот, си отиде и инвеститорот. Јас пројавив желба да се видам со инвеститорот, да видам кој е неговиот интерес, но немаше никаков одговор“, изјави неодамна Касами.

Извор: Лидер

Во рок од само една година по трет пат се уништува и крши црквата и православните гробишта во долненското село Гостиражни. Деновиве комплетно се искршени и уништени надгробните споменици на 13 од 16 гробови. Жителите велат дека ова никогаш досега не се случуваnо. Инаку Гостиражни е село со мешано население од македонска и албанска етничка заедница.

„Ужас е ова што се прави во селото Гостиражни. Не сум видел никого, не знам кој може да биде. Кој се што се луѓево што го прават ова незнам. Зошто некој би кршел црква и гробови, да вознемирува починати души не знам. Искрено сега мене ми е страв. Кога тие почнале на  умрените, ќе почнат и на живите. Сега со страв идам тука кај камбаната да ја удрам во недела или за празник“, изјави Владо Спасески, клисар во црквата жител на село Гостиражни.

Иако и трите случаи на сквернавење на црквата и гробиштата се пријавени во полиција, направен е увид, но сторителите не се пронајдени.

„Со сите живееме, во селото немало проблеми, кавги немало, како дојде до ова не знаеме. Сум разговарал со луѓе и тие велат кој може да прави вакви работи, ова е грев“, додаде Крсте Крстески, жител на село Гостиражни.

Според Митрополитот Петар пак, во чија Епархија се наоѓа Долени ова биле обиди за заплашување на и онака малкуте Македонци преостанати тука не само во Гостиражни туку и во другите села.

„Притисоци на разни начини со цел и намера за етничко чистење на Македонците од тие села. И ова ќе продолжи. Врз нашата црква таму се врши силен притисок, во селото Пешталево беше договорено да се изгради и црква и џамија во центарот на селото, а сега има 2 џамии, а ниту една црква, иако е мнозинското население е православно македонско. Тогаш кога требаше да го осветиме камен темелникот имаше страшни притисоци и закани со огнено оружје“, изјави Владика Петар, Митрополит Преспанско – Пелагониски.

И жителите на Гостиражни и претставниците на МПЦ бараат поголема ажурност од институциите и разрежување на овие случаи.