Ужас во познатото египетско летувалиште Хургада. Ајкула нападна млад Русин (23) додека пливал во водата.

Со момчето била и неговата девојка, која за среќа успеала да побегне.

Туристите со ужас од брегот гледале како тигарската ајкула го нападнала човекот пред да успее да го одвлече во водата. Туристот е по потекло од Русија и, според медиумите, долго време престојувал во Египет.

Неговиот татко го гледал фаталниот напад додека очајно извикувал „Тато, тато“ а предаторот го ловел, пренесува „Сан“.

На снимката која кружи на интернет се гледа како неговата девојка хистерично плаче на плажа додека случајните минувачи се обидуваат да ја утешат по грозоморната сцена.

На туристите кои го посетуваат одморалиштето забранет им е влез во водата.

Внимавајте, сцените од видеото може да бидат вознемирувачки.

Зонг Хуанг Ге (27), кинески инфлуенсер попознат како „Братот Хуанг“, починал во директен пренос откако испил премногу алкохол. Инцидентот се случил на 2 јуни.

Инфлуенсерот испил најмалку седум шишиња баиџиу алкохол за време на пренос во живо и бил пронајден мртов 12 часа по емитувањето на 16 мај, објавија кинеските медиуми.

Неговата смрт во вторникот ја потврди и сопругата.

Ова е втор инцидент во еден месец, откако 34-годишник беше пронајден мртов набргу откако беше виден како консумира прекумерни количини алкохол на Douiin, кинеската верзија на ТикТок.

Неговата сопруга исто така рекла дека ќе работи до крајот на животот за да ги исплати осумгодишните долгови на нејзиниот сопруг, според StraitsTimes.

Двојката има син, кој оваа година треба да појде во градинка, а Хуанг штотуку изгради нова куќа.

Видео:

https://nypost.com/2023/06/07/social-media-star-dies-after-binge-drinking-on-camera/

Документарната драма на Нетфликс, која ја прикажува египетската кралица Клеопатра како црна Африканка, предизвика контроверзии во Египет, пренесува 24sata.hr.

Адвокат поднесе тужба против Нетфликс за кршење на законите за медиуми и обид да го „избрише египетскиот идентитет“, а најпознатиот египетски археолог инсистира дека Клеопатра била „светла кожа, а не црна“.
Дури и продуцентите на оваа драма велат дека потеклото на Клеопатра е сомнително.

Клеопатра е родена во Александрија во 69 п.н.е. и била последната кралица од династијата основана од Птоломеј, генерал на Александар Македонски. Птоломејската династија зборувала грчки.

Идентитетот на мајката на Клеопатра е непознат, а историчарите веруваат дека е можно таа да била домородна Египќанка или од некој дел на Африка.

Келопатра во серијата на Нетфликс ја игра Адел Џејмс, која е од мешана раса и африканско потекло. Продуцентите велат дека тоа е одраз на „вековната дебата за расата на Клеопатра“.

Џејда Пинкет Смит, американска актерка која е наратор и продуцент на оваа драма, рече: „Не гледаме или слушаме често приказни за црните кралици, и многу е важно јас и мојата ќерка и нашата заедница да знаеме за такви приказни.

Захи Хавас, истакнат египтолог и поранешен министер за антиквитети, тврди дека тоа е измислица.

„Тоа е целосна лага. Клеопатра била Гркиња, што значи бела“.

„Нетфликс се обидува да предизвика конфузија со ширење лаги дека потеклото на египетската цивилизација е црно“, рече тој.

Адвокатот Махмуд ал Семари побара од државниот обвинител да преземе „неопходни правни мерки“ за да го блокира пристапот до услугите на Нетфликс во Египет. Тој го обвини Нетфликс дека промовира афроцентризам и го брише египетскиот идентитет.