Ни предстои сончев период со ретка облачност и благо топли денови. Ветерот ќе дува од југоисток со слаб до умерен интензитет, а температурите ќе варираат од -3 до 3 степени наутро, додека попладне ќе се искачат меѓу 12 и 18 степени, информираат од Управата за хидрометеоролошки работи.
Во главниот град, денот ќе започне со свежо утро околу 0 степени, а попладне ќе донесе пријатни 17 степени, под сончево небо со ретки облаци. Ветерот од југоисток ќе остане присутен, но умерен.
Според прогнозата, во наредните денови ќе продолжи сончевото и релативно топло време, иако утринските часови ќе останат студени, со можност температурата на некои места да падне под нулата.
Викендот, пак, ќе донесе промени. Времето ќе биде променливо облачно, а на повеќе места се очекуваат слаби локални врнежи од дожд, додаваат од УХМР.
