Во Пробиштип се изведуваат градежни активности за реконструкција на дел од улицата „3-ти Април“, информира градоначалникот Тони Тоневски.
Во оваа фаза се врши отстранување на старите тротоари и оштетените делови од асфалтната подлога, по што ќе следи поставување на нови рабници, изградба на современи тротоари и нанесување на нов асфалтен слој.
Проектот е во вредност од 9 милиони денари, средства обезбедени од Министерството за транспорт.
Тоневски упати апел до граѓаните за разбирање и трпение додека траат градежните активности, како и за зголемена внимателност при движење во овој дел од улицата.
…
