Државниот инспекторат за градежништво и урбанизам ќе спроведе присилно административно отстранување на бесправно изграден објект во старото градско јадро на Охрид, откако при вонреден инспекциски надзор било утврдено дека сопственикот не постапил по претходно донесеното решение за уривање.
Од Министерството за транспорт информираат дека инспекторите излегле на терен по информации добиени од јавноста и извршиле контрола на објектот на катастарската парцела 15972, КО Охрид 3.
При надзорот било констатирано дека и покрај претходно издаденото решение за отстранување на објектот, тоа не било спроведено. Поради тоа, Државниот инспекторат ќе издаде налог за присилно административно отстранување, согласно важечките законски прописи.
Од Министерството нагласуваат дека борбата против бесправната градба продолжува без селективност и без исклучоци.
„Законот за градење важи еднакво за сите и нема да има селективна примена“, порачаа од Министерството за транспорт.
Воедно, од институцијата потенцираат дека нема да се дозволи узурпација на јавниот простор преку нелегална градба и најавуваат продолжување на активностите за воспоставување ред и заштита на јавниот интерес низ целата држава.
…
