Кантоналниот суд на швајцарскиот кантон Вале денеска му изрече тримесечен притвор на Жак Морети, сопственик на барот „Констелејшн“, каде што во пожар на новогодишната ноќ загинаа 40 лица. Притворот може да биде продолжен, јави „Темп“.
Морети изјавил пред истражителите дека вратата за итен излез била заклучена одвнатре, што дополнително го отежнало бегството на гостите. Првичната истрага покажува дека пожарот бил предизвикан од контактот на прскалките со звучноизолационата пена на таванот во подрумот на барот.
Истрагата го испитува и присуството на противпожарни апарати, како и дали излезите од барот одговарале на законските стандарди. Морети нагласил дека барот забранува влез на лица под 16 години, а лица на возраст од 16 до 18 години морале да бидат придружувани од возрасно лице.
Тој исто така посочил дека обезбедувањето добило упатства за работа, но можно е да дошло до пропуст. Морети и уште едно лице се осомничени за „убиство од небрежност, нанесување телесни повреди од небрежност и предизвикување пожар од небрежност“.
