Масакр на фудбалско игралиште во Мексико: 11 мртви и 12 повредени

Во брутален напад на фудбалско игралиште во Саламанка, централно Мексико, каде вооружени лица отворија оган врз присутните, оставајќи зад себе најмалку 11 мртви и 12 повредени. Според локалните власти, десет од жртвите починале на самото место, а една подоцна им подлегнала на повредите во болница. Меѓу ранетите се наоѓаат една жена и едно малолетно лице.

Градоначалникот Сезар Прието изрази длабока загриженост и побара поддршка од претседателката Клаудија Шајнбаум за спречување на ваквите насилни акти. „Криминалните групи се обидуваат да ги потчинат властите, но нема да им успее“, истакна тој.

Истражителите од канцеларијата на државниот обвинител на Гуанахуато соопштија дека работат заедно со федералните власти на зајакнување на безбедноста во регионот. Гуанахуато е една од најнасилените држави во Мексико, со регистрирани најмногу убиства минатата година, каде локалната банда Санта Роса де Лима води жестока борба со моќниот картел „Нова генерација на Халиско“.

Иако официјалните податоци покажуваат дека стапката на убиства во Мексико во 2025 година достигнала најниско ниво од 2016 година – 17,5 убиства на 100.000 жители, аналитичарите предупредуваат дека овие статистики веројатно не ја прикажуваат целата реалност на насилството во земјата.