Во ново интервју за порталот Аксиос, американскиот претседател Доналд Трамп откри дека САД имаат распоредено значително поголема воена армада во близина на Иран отколку претходно во Венецуела. Трамп, кој нагласи дека ситуацијата на Блискиот Исток останува динамична и непредвидлива, не ги откри деталите за можните наредни чекори на Вашингтон.
„Имаме голема армада во близина на Иран. Поголема од онаа што ја имавме во Венецуела“, изјави Трамп, избегнувајќи да навлезе во конкретни стратегии или планови.
Трамп одбил да зборува за опциите кои му биле презентирани од тимот за национална безбедност, како и за тоа која од нив ја сметал за најверојатна.
Изјавите го засилија вниманието на меѓународната јавност кон можните американски потези кон Техеран, особено во контекст на неодамнешното пристигнување на носач на авиони со придружна борбена група во регионот на Блискиот Исток.
