Педесет и деветгодишен маж од селото Герман, Кривопаланечко, трагично го загуби животот вчера попладне додека извршувал работни задачи на градилиште во скопската општина Кисела Вода.
Несреќата се случила околу 16:30 часот на објект кој е во фаза на изградба. Работникот, идентификуван со иницијалите Ж.С. (59), веднаш бил пренесен во Комплексот клиники „Мајка Тереза“ во критична состојба, но за жал, околу 17:40 часот, и покрај напорите на медицинскиот персонал, им подлегнал на повредите.
На местото на несреќата бил извршен детален полициски увид, а случајот е пријавен и на Државниот трудов инспекторат. Нивната задача е да утврдат дали на градилиштето биле почитувани сите законски пропишани мерки за заштита при работа.
…
