Сообраќајна несреќа се случила попладнево во скопската населба Бутел, каде според првичните информации учествувале три возила, меѓу кои и службено возило на енергетската компанија ЕВН.
На местото на настанот веднаш пристигнале полициски службеници, како и екипа на Итната медицинска помош. Засега нема официјални информации за евентуално повредени лица или за причините за несреќата.
Сообраќајот во овој дел од градот се одвива отежнато. Се очекуваат повеќе детали откако надлежните служби ќе го расчистат случајот.
