Секторот за внатрешни работи Тетово поднесе кривична пријава против 61-годишниот А.Ш. од скопското село Студеничани поради сомнение дека неовластено влегувал во воени објекти, по што правел скици и цртежи од воениот простор и борбените средства.
Според информациите од полицијата, осомничениот работел како возач на автобус во фирма ангажирана од Министерството за одбрана за организиран меѓугарнизонски превоз, при што на 17 февруари годинава влегол во кругот на касарната во Тетово.
„Во кругот на касарната во Тетово направил три видео записи, кои подоцна ги споделил преку мобилна апликација“, се вели во полицискиот извештај.
Од Секторот велат дека се преземаат мерки за целосно расчистување на случајот.
…
