Пешак е тешко повреден во сообраќајна незгода што се случи денеска претпладне на булеварот „Св. Кирил и Методиј“, кај поранешната зграда на НИП „Нова Македонија“ во центарот на Скопје.
Според информациите од Министерството за внатрешни работи, несреќата била пријавена во 11:15 часот во СВР Скопје. Во незгодата учествувало патничко возило „мерцедес“ со скопски регистарски таблички, управувано од В.М. (40), кое удрило во пешак.
Повредениот веднаш бил пренесен со возило на Итна медицинска помош во Комплексот клиники „Мајка Тереза“, каде му биле констатирани тешки телесни повреди.
На местото на настанот увид извршила екипа на СВР Скопје, а надлежните институции работат на утврдување на причините и околностите под кои се случила несреќата.
