На регионалниот пат Прилеп–Ресен, кај крстосницата Ротино и Кукуречанска крстосница, е регистриран инцидент во кој бил оштетен минибус што превезувал навивачка група од Охрид.
Од СВР Битола соопштија дека на 17.04.2026 година во 23:15 часот било пријавено дека минибус „мерцедес“ со охридски регистарски ознаки, сопственост на приватна фирма од село Коњско, додека се движел по патот бил оштетен од група граѓани, при што се направени материјални штети на возилото.
Полицијата информира дека се преземаат мерки за целосно расчистување на случајот, по што ќе бидат поднесени соодветни пријави.
На социјалните мрежи веќе се појави видео од настанот, што дополнително предизвика реакции во јавноста. Според објавите, одговорноста за инцидентот ја презела навивачка група „Чкембари“, која на социјалните мрежи испратила порака: „Баравте проблем, добивте“.
Случајот е во понатамошна постапка на истрагата.
…
