На 17.04.2026 година во 14:15 часот во СВР Скопје е пријавена сообраќајна несреќа што се случила на улицата „Лазар Трповски“ во Скопје, во која учествувале патничко возило и мотоцикл.
Според пријавеното, несреќата се случила помеѓу патничко возило „пежо“ со кумановски регистарски ознаки, управувано од Л.А. (40) од село Матејче, липковско, и мотоцикл „БМВ“ со скопски регистарски ознаки, управуван од А.С. (20) од Скопје. Во инцидентот било оштетено и паркирано возило „фолксваген“ со скопски регистарски ознаки, сопственост на К.А. (49) од село Глуво, скопско.
Во несреќата, мотоциклистот А.С. се здобил со тешки телесни повреди, кои му биле констатирани во Ургентниот центар при комплексот клиники „Мајка Тереза“ во Скопје. Неговиот сопатник се здобил со телесни повреди и бил пренесен во ЈЗУ „Св. Наум Охридски“ во Скопје.
На местото на настанот извршен е увид од увидна екипа на СВР Скопје, а се работи на целосно расчистување на случајот.
