Велосипедист е повреден откако бил удрен од патничко возило на булеварот „Партизански одреди“ во Скопје, во близина на бензинската пумпа „Макпетрол“, недалеку од Поликлиника „Букурешт“.
Според сведоци на настанот, станува збор за повозрасен маж кој се движел со велосипед и бил удрен на пешачки премин. По ударот, тој паднал на коловозот и останал да лежи со видливи повреди, при што бил забележано крварење од носот и устата. И покрај сериозноста на сцената, мажот останал свесен и комуникативен.
Жената што управувала со автомобилот, кој е црна боја, веднаш застанала и му укажала прва помош на повредениот додека се чекала медицинска екипа.
Итната медицинска помош пристигнала на местото на несреќата, но според изјави на очевидци, со одредено задоцнување. Дел од сведоците тврдат дека амбулантното возило се движело исклучително бавно, и покрај кратката оддалеченост од Поликлиника „Букурешт“ до крстосницата кај „Макпетрол“.
Засега нема официјални информации за тежината на повредите на велосипедистот, ниту за околностите под кои дошло до сообраќајната незгода.
…
