Tag Archives: Влада

Македонија

Рашковски ги „реши“ софтверите во Влада, СЕГА ИМА ПРЕДЛОГ ЗА ПРЕВОЗОТ ВО СКОПЈЕ

Поранешниот генерален секретар на Владата, Драги Рашковски кој е обвинет за случајот „Софтвери“ преку колумна дава предлози како спорниот софтвер за кој е обвинет би можел да го реши сообраќајниот хаос во главниот град.

Деновиве во Скопје се случува целосен сообраќаен хаос, а можевме да бидеме светски пример за негова организација. Некако се научивме да за успех го сметаме поправањето на она што самите сме го направиле како проблем, вели тој.

Додава дека без да навлегува во правните аспекти на она што е предмет на судскиот процес околу набавката на Софтверот за сообраќајна анализа, сметаа за потребно граѓаните да бидат запознаени која е можната примена на овој софтвер, односно која е неговата странична примена која како идеја произлезе откако во неколку наврати успешно извршивме анализи преку истиот:

самостојно патување. Кога ќе го качат детето во автобусот родителите ќе го скенираат QR кодот на уредот на возилото и во текот на целото патување ќе добиваат информации како патува нивното дете и дали возилото е управувано согласно правилата за сообраќај, со што психолошкиот товар ќе биде многу помал кога ќе имаат целосен увид во патувањето во секој негов детаљ, како што кажавме погоре.

3.Сообраќајната полиција со отчитување на QR кодот на возилото ќе добие целосен историјат на патувањето на тоа возило, при што ќе добие и список на направените прекршоци. Овој процес може целосно да се автоматизира, при што за професионалните превозници ова да биде задолжително, така што при креирање на почеток на рута и QR код, истиот автоматски се запишува и во базата на МВР, со што секој прекршок се евидентира како прекршочна казна.

4.Една од најчестите причини за сообраќајни несреќи се неискусни возачи. Ваквиот систем ќе дава можност истиот да е задолжителен за возачи почетници во првите неколку месеци по положувањето на возачкиот испит, со што би се добил двоен бенефит, како за возачите да ги увидат своите грешки, така и за родителите кои со пристап до податоците од возењето на своето дете, ќе можат помирно да спијат. Ова особено се однесува на возење за време на прослави, како матурски вечери, роденденски забави и слично.

5.Ваквиот систем може да се имплементира и кај градскиот превоз, со што секој патник би знаел како се превезува и ќе добива податоци кои погоре ги напоменавме. Преку вакво поврзување се добива и можност да се добива информација на самата постројка за тоа каде се наоѓа автобусот кој го чекате и за колку време ќе биде на вашата локација.

6.Ваков систем би бил многу значаен за такси превозниците, со што секој патник ќе знае како се превззува, но и со кого се превезува. Родителот би знаел во кои услови се вози неговото дете во такси возилото.

7.Системот ќе може да е достапен и за поединечните возачи, како за самоконтрола преку системот, така и за контрола од страна на совозачите, кои поради разни специфичности на одредени ситуации, може да имаат потреба да проверуваат како возачот се држи на патот.

Да го имаше некој друг ќе гледавме со восхит. Тоа што некој се обиде да фрли дамка врз овој мега проект не значи дека тој не постои. Од нас зависи, стои во неговата колумна.

Македонија

Алијанса ќе влегува во Владата – се подготвува ли МЕНУВАЊЕ НА УСТАВОТ !?

Повеќе од 11 часа траеше маратонската седница на Централното претседателство на ДУИ во Мала Речица – епилогот ќе се знае наскоро, а она што сега се сервира во јавноста е само информацијата дека во тек се разговорите со Алијансата за Албанците за влез во Владата, но дека засега ништо конкретно не е договорено ниту прецизирано, пренесува Вечер Прес.

Претседателот на Демократската унија за интеграција, Али Ахмети, изјави дека средбата во партиското седиште во Мала Речица, била една од низата традиционални средби на партијата, а имало конструктивна дебата!

-На средбата беа слушнати забелешки врз извештајот на извршната власт, со цел да се подобри работата во овие институции. Се дискутираше за прашањето за ветинг, каде како ДУИ имаме одговорност за непречено функционирање на државата. Имаше и различни теми, се разговараше за образованието, за здравството, за имплементација на албанскиот јазик. Нема да се прекинат дебатите во ДУИ или различните размислувања. Јас сум еден од оние кои не би се согласиле ако се потисне различното мислење, но на крајот мора да се почитува мислењето на мнозинството. Демократијата има свои граници, тоа значи дека во демократијата не е дозволена анархија, рече Ахмети.

На новинарско прашање за можноста Алијансата за Албанците да ѝ се приклучи на владината коалиција, Ахмети истакна дека и тој и премиерот Димитар Ковачевски се во разговори, но, како што посочи, уште е рано да се зборува за некаков епилог.

-Беше отворена и оваа тема. Средбите со нивни претставници ги остварив јас. Ги има остварено и Ковачевски со Таравари. Ќе видиме каков епилог ќе има од разговорите што ќе се реализираат меѓу двете страни. Сè уште не е разговарано за детали, тоа е тековен процес. Ние, како Албанци имаме потреба за поголемо единство, да бидеме малку поорганизирани во насока на оставурање на мисијата, рече тој.

Министерот за надворешни работи и функционер на Демократската унија за интеграција, Бујар Османи, вчера на брифинг со новинарите истакна дека со Алијансата за Албанците се разговара за заедничката проценка дека постои политички моментум кој наметнува поголема координација помеѓу политичките партии, чија цел е брза трка за членство во Европската Унија.

– Дека се разговара го потврдија сите чинители во процесот, но што се разговара е прашањето. Се разговара за заедничката проценка дека постои политички моментум што наметнува поголема координација помеѓу политичките партии кои имаат за цел брза трка за членство во Европската Унија, односно постојат вонредни предизвици кои што бараат вонредни пристапи. Кажав кои се тие вонредни предизвици. Првата, уставните измени што треба да го обезбедат неспречениот тек на преговорите, скринингот којшто исто така бара инклузивност на политичките субјекти кои бараат и веруваат во ветувањето, односно во намерата во 2030 година Северна Македонија да стане членка на Европската унија. Енергетската и економската криза, сето тоа се вонредни пристапи, рече Османи.

Османи потенцира дека тоа не значи дека се воведуваат нови преседани, туку се бара решение за конкретните предизвици.

Претходно на новинарско прашања дали влезот на Алијанса за Албанците ќе значи формирање на фракција во ДУИ од редовите на т.н. Огнена група, Османи рече дека се тоа шпекулации.

-Не можам да коментирам шпекулации што се пренесуваат без некој да ги каже конкретно. Тоа се текстови кои ги читаме низ порталите, се повикуваат на некаква група, а нема имиња и презимиња. ДУИ е партија која преку внатрешна дебата ги надминува сите предизвици и секогаш излегува посилна, изјави Османи.

На прашањето дали ДУИ би отстапила министерско место рече дека сè уште не се во таа фаза на одлучување.

Со ова практично, лидерот на ДУИ, Али Ахмети, и министерот Османи го демантираа шефот на кабинетот на ДУИ, Артан Груби, кој пред почетокот на седницата на централното претседателство изјави дека нема конкретни разговори за влез во владата на Алијансата за Албанците, но дека секој е добредојден во централната власт, ако ѝ мисли добро на Македонија и повтори дека огнена група во партијата нема.

Од владиниот кабинет испраќаат сигнали дека е можно да ги отворат вратите за влез на Алијанса за Албанците. На прашањето во врска со евентуалното членство на АА во Влада, премиерот Ковачевски со одговор дека е подготвен за соработка со сите оние кои сакаат да ја видат Македонија во ЕУ. Во петокот, во Влада, се сретнаа премиерот Димитар Ковачевски и в.д. претседателот на Алијанса за Албанците, Арбен Таравари, но по средбата, рекоа дека проширувањето на Владата не било тема на дебата. Таравари не ја исклучува можноста да бидат дел од Владата, но вели дека ќе имаат свои црвени линии кои се вклучени во пакетот мерки, а кои ќе ги презентираат откако ќе добијат понуда за влез во Влада. Ковачевски демантира дека разговарале за влез на албанската опозициона партија во Владата.

„Имавме состанок со Таравари во Владата, а после тоа имаше некои шпекулации во јавноста околу тоа за што сме разговарале. На средбата разговаравме токму за тоа за што и кажавме, а тоа беше за европската иднина на државата која сите ја посакуваме и сите одлуки кои треба да се носат во парламентот со широк општествен и политички консензус. Но, пред сè разговаравме за сите оние закони и реформи кои се однесуцваат на владеење на правото, борбата со корупцијата и справувањето со енергетската криза. Во Собранието има над 130 закони, одлуки, регулативи кои се блокирани од неодговорното однесување пред сè на Левица и на ВМРО-ДПМНЕ и разговаравме токму за тоа“, рече Ковачевски и додаде дека за соработка на повисоко ниво од такви разговори секако дека секогаш постои можност, но дека „тоа го оставам на идниот период што е пред нас бидејќи сепак се работи за нешто за што е потребен договор меѓу повеќе субјекти“, изјави Ковачевски.

Извор: Вечер Прес

Забава

„Кратко туширање штеди вода, струја и пари…“, а групното туширање е уште поекономично :)

Gallery

Владата започнува со реализација на информативно-едукативни активности, со кои ќе се подига јавната свест за тоа колку е важно штедењето на електричната енергија во услови на светска енергетска криза. При промовирањето на информативно-едукативни активности под слоганот „Штедиме заедно денес за да имаме утре“, од владината прес служба наведоа неколку примери за заштеда на електрична енергија и упатија апел за рационално користење на ресурсите, со што ќе се овозможи намалување на сметките како и зголемување на конкуренцијата на претпријатијата.

„Енергетски ефикасните сијалици заштедуваат и до 90% електрична енергија. Одржување на температурата на 22 степени наместо на 25 степени заштедува до 10% електрична енергија. Краткото туширање заштедува вода, струја и пари на вашата сметка. Според некои експертски анализи, доколку се почитуваат овие и други препораки може да се заштеди електрична енергија и до 50%“, посочи владиниот портпарол.

Од таму посочија дека во услови на тешка состојба на глобалниот пазар за енергенси, Владата донесе план за штедење со конкретни насоки за сите органи во состав на државната управа и потенцираа дека заштедата на државните институции кои започнаа да го применуваат овој план изнесува околу 20 проценти.

Во меѓувреме граѓаните се шегуваат со овие мерки на Владата:

Македонија

Од “Мијте раце” отидоа на “ТУШИРАЈТЕ СЕ ПОКРАТКО” – Владата не учи да штедиме

Под слоганот „Штедиме заедно денес за да имаме утре“, Владата од денеска преку информативно едукативни активности ќе ги мотивира граѓаните да штедат струја. Ќе презентира корисни информации како граѓаните поефикасно да ја користат електричната енергија и на тој начин да штедат.

-Енергетски ефикасните сијалици заштедуваат и до 90 проценти електрична енергија. Одржувањето на тепературата на 22 степена, наместо на 25 степени, заштедува до 10 проценти електрична енергија. Краткото туширање заштедува вода, струја и пари на вашата сметка, рече портпаролот на Владата Душко Арсовски наведувајќи примери со кои преку едукативните активности планираат да поттикнат штедење струја.

Според некои експертски анализи, наведе Арсовски, доколку се почитуваат овие и други препораки, може да се заштеди струја и до 50 проценти.

Порака за штедење упати и Виктор Андонов, соработник на Владата за енергетика, истакнувајќи дека во овој процес се многу важни граѓаните, институциите и компаниите и оти секој треба да направи мала промена во домот или на работното место кое ќе значи многу за енегетскиот систем.

Енергетскиот биланс за производството на струја од ЕСМ покажува дека вчера потребите на домаќинствата и на малите потрошувачи се задоволени со домашно производство од 10 786 мегават часови и набавена струја во износ од 3 110 мегавачт часови. Во термоелектраните се произведени 7 834 мегават часови, а од обновливи извори на енергија 2 952 мегават часови струја.

Владата  донесе План за штедење со конкретни насоки за сите органи на државната управа, а заштедата на државните институции што почнаа да го применуваат планот од 1 септември,како што беше објавено, изнесува 20 проценти.

Неколку реакции на граѓаните на социјалните мрежи:

Македонија

Државата ќе дава по 3000 ДЕНАРИ МЕСЕЧНО

Грижата за нашите сограѓани во време на најголема светска економска криза продолжува

Вчера Собранието го усвои Законот за финансиска поддршка на социјално ранливи категории граѓани за справување со енергетската криза, порача денеска Даниела Колева од СДСМ.

Законот кој е дел од пакетот мерки за помош на граѓаните вклучува финансиска поддршка во износ од 3.000 денари месечно, во наредните четири месеци, за следните групи:

Лицата кои го користат правото за попреченост, родителите на децата со попреченост до 26 годишна возраст кои користат право на посебен додаток, лицата со попреченост кои користат право за помош и нега од друго лице , а не користат право заради попреченост лицата со потешки трајни промени во здравствената состојба, а не користат право заради попреченост.

Поддршка е обезбедена и за самохраните родители корисници на гарантирана минимална помош, за стечајните работници како и за корисници на правото на социјална сигурност на стари лица.

Дополнително, директна финансиска поддршка во наредните четири месеци е обезбедена и за пензионерите кои земаат до 11.525 пензија, а тоа се над 91.600 како и за пензионерите кои земаат пензија од 11.525-14.000 денари, односно над 66.000 пензионери.

Вкупно со овој закон се опфатени речиси 200.000 лица, наши сограѓани кои се со ниски примања.

Со овој Закон помошта ја лоцираме директно кај оние семејства кои имаат најмногу потреба од помош во време на криза.

Како парламентарно мнозинство ќе продолжиме да работиме на законски решенија кои обезбедуваат поддршка и помош на сите граѓани, но и на домашните компании за справување со последиците од економската и енергетската криза, рече таа.

Македонија

Перо не ги обработува нивите, Перо без да знае, МЗШВ ќе му ги запише нивите како необработливо земјиште и ќе ги даде под закуп…

Фејсбук статус на Дејан Андов, во врска со новиот закон за земјоделско земјиште кое Владата го подготвува:

Ако се наспавте, сега да пробам да ви отворам очи, што тоа значи Предлог законот за земјоделско земјиште кое тајно го подготвува владата на СДС/ДУИ, а со цел да им излезе во пресрет на корпорациите кои пиќасале добри блокови земја за поставување на фотоволтаици.Со актуелниот Закон за земјоделско земјиште, МЗШВ го запишува одредено земјоделско земјиште како необработено на два начина: со БАРАЊЕ од сопственикот или со СЛУЖБЕНА ДОЛЖНОСТ.

Запишувањето по службена должност се врши прво со праќање на Изјава по пошта за сопственикот кој треба да ја пополни и врати до МЗШВ. Во изјавата треба да напише дека земјиштето не го обработува и тоа ќе биде запишано како необработено земјоделско земјиште, освен во случајот кога намерно е оставено необработено, но не подолго од 18 месеци, заради подобрување на плодноста и квалитетот на почвата.

Со новиот ПРЕДЛОГ ЗАКОНОТ, запишувањето на одредено земјоделско земјиште како необработено ќе се врши по СЛУЖБЕНА ДОЛЖНОСТ, врз основа на докази од Агенцијата за катастар, ГИС системот, авионски снимки итн.Нема да се праќа по пошта за изјава на сопственикот, неговото мислење ќе биде НЕбитно. Откако ќе му биде запишано како необработено, тој потоа ќе треба да поднесе Барање до МЗШВ да му се избриши од необработено земјиште, да докажи дека не го обработувал најмногу 24 месеци заради подобрување на плодноста и квалитетот на почвата.

Потоа, со Новиот ПРЕДЛОГ ЗАКОНОТ ЗА ЗЕМЈОДЕЛСКО ЗЕМЈИШТЕ, МЗШВ земјиштето кое ќе го евидентира по службена должност како НЕОБРАБОТЕНО, ќе има право да го ИЗДАВА ПОД ЗАКУП на странски и домашни корпорации заради поставување на фотоволтаици.Парите од Закупот ќе се слеват на посебна државна сметка, и 80% од закупнината ќе добива сопственикот на земјиштето, а 20% ќе зема владата.Доколку за најкасно 10 години сопственикот на земјиштето не си ги подигне парите од закупот, тие остануваат во државна сопственост.

Пример 1:Перо живее во Скопје. Тој наследил од татко му ниви во Могила. Перо не ги обработува нивите. Перо без да знае, МЗШВ по службена должност ќе му ги запише нивите како необработливо земјиште и ќе ги даде под закуп. Откако ќе научи Перо, ќе има право на 80% од закупнината.

Пример 2:Томе емигрира во Канада. Во Долни Дисан има добро земјиште. Томе живее, работи и умира во Канада. Тој нема наследници и земјиштето останува. МЗШВ по службена должност го запишува како необработено и го дава под закуп. Бидејќи умрел во Канада, Томе нема да може да дојде и ги подигне парите од закупнина, и за 10 години тие остануваат на државата. Ете тоа е накратко суштината на предлог законот за земјоделско земјиште, можете да дебатирате дали е добар, лош, незнам каков, пак да гласате за ДУИ/СДС, али позадината на законот е многу јасна и провидна, само треба очи отварање.

Македонија

Владата не ни даде нам, ама затоа ЌЕ И ДОНИРА ГРЕАЛКИ НА УКРАИНА

Министерот за надворешни работи на Украина, Дмитро Кулеба се заблагодари за тоа што Македонија му дава поддршка на украинскиот народ во тежок период.

„Македонски фирми во соработка со Владата ќе донираат генератори, греалки и други грејни тела на Украина за да може земјата да ја преброди зимата“, вели Кулеба.

Договоривме набавка за опрема од 12 земји, меѓу кои се Израел, Шпанија, Италија, Литванија, Германија, Македонија, Полска, Република Кореја, Словачка, Словенија, Франција и Финска, кажа министерот.

Македонија

Владата им ја одзеде дозволата за одгледување канабис на Заеви

Влада со одлука на минатонеделната седница му ја одзеде дозволата за одгледување на канабис за медицински цели на Фарма Медика Канабис, каде што, според претходни медиумски објави, сопствеништво имаат братучедите на поранешниот македонски премиер Зоран Заев – Бобан Заев, Трајче Заев и Катерина Бојовиќ Заева.

Компанијата од Валандово од 18 октомври има одлука за „престанување на важењето на одлуката за давање согласност на решението за давање на одобрение за одгледување на канабис за медицински цели на Друштвото за производство и трговија Фарма Медика Канабис Доо Валандово“.

Одлуката стапила на сила од 22 октомври. Се уште не е објавена на сајтот на Владата како точка на дневен ред, но соопштена е во „Службен весник“. Фарма Медика Канабис лиценца за одгледување на канабис од Владата добила во 2018.

„1.Со оваа одлука престанува да важи Одлуката за давање согласност на Решението за давање на одобрение за одгледување на канабис за медицински цели на Друштво за производство и трговија Фарма Медика Канабис ДОО Валандово 2. Оваа одлука влегува во сила наредниот ден од денот на објавувањето во “Службен весник на Република Македонија”, објавено е во Службен Весник.

Заев претходно во 2019, според она што е напишано во медиумите, на пратенички прашања во Собранието, објавил дека инвестиците на неговите братучеди во оваа дејност треба да достигнат десетина милиони евра, бидејќи со закон „е дозволено да се произведува лек од канабис“ Тој ги повикуваше и сите инвеститори, кои имаат можност, да инвестираат во оваа дејност „зошто е профиталбилна“ и дека државата очекува нови работни места и прилив од стотици милиони евра.

Извор: Фактор.мк

Македонија

Апасиев: Цената на храната во светот се намалува, а во Македонија се зголемува! Мрш бе таму, профитери…

Лидерот на Левица, Димитар Апасиев, на Фејсбук го коментира намалувањето на цените на храната на светско ниво, додека во Македонија цените се’ уште растат.

Според Апасиев станува збор за воено профитерство.

– Во изминативе месеци, цената на ХРАНАТА во светот се намалува, а во Македонија се зголемува.

Ама, ни велат од Владата, кризата ни била “увезена”!?

Мрш бе таму, профитери ратни капиталистички!

#ЗамрзнувањеНаЦените – напиша Апасиев на Фејсбук.

Скопје

Aко денес не добијат плата, вработените во ЈСП со семејствата ќе штрајкуваат изутрина

Вработените од ЈСП и покрај проверките од полицијата по дојавата за бомба во некој од градските автобуси, го одржаа штрајкот и најавија дека доколку не добијат плата денес, ќе се појават пред гаражите во Автокоманда заедно со своите семејства рано изутрина во 4.30 часот.

А денес информираа дека ќе упаднат на вонредната седница на Град Скопје закажана за 14 часот.

„Да не се повторуваме, вработените во ЈСП се гладни, гладни се и нивните семејства. На денешната средба што ја имавме трит репрезентстивни синдикати, се договоривме денес да влеземе на вонредната седница на град Скопје во 14 часот. Но, 14 часот е доцна за да некој одлучи ние да добиеме плата.

Ако не добиеме плата, ние со нашите семејства ќе излеземе на протест пред оваа гаража рано наутро во 4.30 часот. Тоа значи дека автобусите нема да излезат да возат. Сите сме гладни и не можеме да си ги извршуваме своите обврски. Нашиот револт ќе го изразиме од политичките препукувања. Јас се надевам дека ќе седнат да се договорат.

Законскиот рок за плата е 15-ти во месецот, помине ли овој датум, автобус на ЈСП нема да излезе на линија “ истакна Миќо Стојановски, Претседателот на Синдикатот на работниците од сообраќајот и врските (СРСВМ).