Tag Archives: Заев

Македонија

Заев ја одложува ОСТАВКАТА, додека не се сределе состојбите во земјава (Видео)

ИО и ЦО на СДСМ вечерва донесе едногласна одлука да се одложи оставката на претседателот на партијата, Зоран Заев.

Се разгледуваа актуелните случувањеа во Републиката и во партијата , рече вечерва Перо Костадинов, градоначалник на Валандово.

„Генералната одлука е донесена е дека моментумот пред кој е исправена Македонија е голем и затоа е решено да се одложи оставката . ЦО едногласно донесе одлука за одложување на оставката додека не се средат состојбите во државата.“

Во врска со парламентарното мнозинство било решено да продолжи по патот што е најбитен за земјава , рече Костадинов. Не смееме да си дозволиме фатализам , затоа ЦО ја донесе одлуката што е важна за граѓаните и за државата.

Видеотот од прес конференцијата:

Македонија

Заев не остана на зборот, не поднесе оставка, ќе се гласа ДОВЕРБА НА ВЛАДАТА

Во Собранието денеска не беше доставена оставката на Зоран Заев од премиерската функција, па затоа ВМРО-ДПМНЕ поднесе барање за изгласување на доверба на Владата.

Пратеникот Александар Николовски во изјава за медиумите истакна дека иницијативата е поднесена од страна на 61 пратеник.

„Иницијативата е поддржана од ВМРО-ДМПНЕ и Коалицијата за обнова на Македонија, коалицијата Алијанса за Албанците и Алтернатива, политичката партија Беса, и политичката партија Левица – вкупно 61 пратеник е потпишан“, додаде Николовски.

Инаку, во текот на вчерашниот ден претседателот на ВМРО-ДПМНЕ, Христијан Мицкоски постави рок до денеска до 14:30 часот Заев да си поднесе оставка, во спротивно тие ќе поднесат интерпелација, Заев не остана доследен на зборовите пред точно осум дена кога кажа на прес конфренција дека ќе си даде оставка од премиер, истата не ја поднесе.

Мицкоски претходно објави дека заедно со Алијанса за Албанците, Алтернатива, Беса и Левица формирал ново парламентарно мнозинство.

Според Деловникот претседателот на Собранието треба во рок од три дена да ја закаже седницата на која ќе се гласа довербата на Владата, веројатно во четврток.

Балкан

Бериша го нарече Заев “слеп политичар“ и авантурист кој ја претвори Македонија во „јаболко на раздорот“

Поранешниот албански претседател и експремиер, Сали Бериша во градот Камза, на собир со членови и симпатизери на Демократската партија, чиј почесен претседател е, го коментираше поразот на СДСМ на локалните избори што доведе до оставка на Зоран Заев како премиер и претседател на СДСМ, пренесува Ора њуз.

Тој ги поздравил македонските гласачи, за кои рекол дека му го поништиле билетот на „авантуристот“ кој Северна Македонија ја претворил во „јаболко на раздорот“ за Бугарија и Србија.

Со заминувањето на Заев, како што рекол, мртва е иницијативата „Отворен Балкан“, проект „против Косово и албанската нација“.

-Испраќам срдечен поздрав до гласачите во Северна Македонија кои го поништија билетот на еден авантурист, кој со својата авантура ја претвори Северна Македонија во јаболко на раздорот меѓу Бугарија и Србија. За овој слеп политичар заборави дека за Белград Северна Македонија не е ништо друго освен јужна Србија. Македонија е создадена за да го спречи формирањето на Голема Србија, на Голема Бугарија. Истрча кон Белград како да е син на Пашиќ, рекол Бериша.

Обвинувајќи дека зад иницијативата „Отворен Балкан“ стои Џорџ Сорос додал дека „иницијатвата умрела пред два дена со гласање на граѓаните на Македонија“.

-Како дух на повоениот Балкан, трилатералниот сојуз Белград-Тирана-Скопје оди против Косово и албанската нација. Ја поздравувам косовската влада што цврсто застана против оваа иницијатива која носи конфликти, враќајќи ја хегемонијата на Белград во регионот, иницијатива која ги претвора Албанија и Македонија во белградски вазали, опколувајќи го Косово со непријателски клики, земја која штотуку излезе од војни и конфликти, рекол Бериша.

Според него, нема потреба од хегемонија, туку соработка меѓу рамноправни земји.

Забава

А таман вети дека ќе градел стаза за ФОРМУЛА 1 (Видео)

Планираме да ја изградиме првата патека за Формула 1 во нашата држава, вети Зоран Заев во предизборната кампања.

– Еден од најголемите проекти на кој што работиме е отворање патека за Формула 1 во државава. Патеката треба да отвори туристички можности, рече Заев пред изборниот молк, а вечерва си поднесе оставка од премиерската и функцијата претседател на СДСМ.

Македонија

Заев е против, Мицкоски за предвремени парламентарни, што вели Уставот?

 На Владата ѝ престанува мандатот ако премиерот поднесе оставка, ако ѝ биде изгласана недоверба во парламентот или ако Собранието се распушти, на таа останува на должност до изборот на нова влада. А нова влада составува мандатар што ќе обезбеди мнозинство од најмалку 61 пратеник во парламентот и ќе добие мандат од претседателот на државата.

По објавената оставка на Зоран Заев од премиерската и претседателската функција во СДСМ поради неуспехот на локалните избори, се наметнува прашањето што ќе се случува сега. Заев синоќа истакна дека според него не треба да има вонредни парламентарни избори.

„Претстојат одлични и неповторливи 2,5 години за работа и економски успеси од корист ќе има целиот наш народ и државата“, рече Заев.

Тој најави дека периодов помогне да се реорганизира нова влада со „прогресивно мнозинство кое го има и постои, а може да биде и уште зголемено“.

Веќе денеска, премиерот во оставка,  ги повика во Владата лидерите на партиите од досегашната владејачка коалиција, на кои се очекува да се разговара за резултатите од изборите и понатамошните чекори коишто ќе бидат преземени.

Мицковски пак, во својот говор после победата на локалните избори, рече дека  е време за ново парламентарно мнозинство и за предвремени избори. „Овие избори ги делегитимираа сите политики на власта. Во однос на ново парламентарно мнозинство, најдобро е времето да покаже. Што понатаму? Мислам дека најдобро би било да се распишат предвремени парламентарни избори. За да има предвремени избори, треба да има мнозинство и во парламентот. Оставете времето да покаже и да ги реши дилемите. Една од тие дилеми е и кога ќе бидат предвремените избори. А, ќе бидат многу скоро“, рече синоќа Мицкоски. 

Според членот 93 од Уставот, оставката на претседателот на Владата, неговата смрт или трајната спреченост да ја врши функцијата, повлекуваат оставка на Владата. На Владата ѝ престанува мандатот ако премиерот поднесе оставка, ако ѝ биде изгласана недоверба во парламентот или ако Собранието се распушти, на таа останува на должност до изборот на нова Влада. Во Членот 219 од Деловникот на Собранието е наведено дека Владата, претседателот на Владата или член на Владата можат да поднесат оставка.

Оставката на Владата или на претседателот на Владата, се поднесува до претседателот на Собранието во писмена форма и може да се образложи. Оставката на Владата или на претседателот на Владата, претседателот на Собранието веднаш ја доставува до пратениците и до претседателот на државата. Собранието на првата наредна седница, без претрес, констатира дека на претседателот на Владата, на Владата или на член на Владата, мандатот им престанува на денот на одржувањето на седницата.

Оставката на премиерот Заев од претседател на Владата и од лидер на СДСМ се’ уште е „фејсбук оставка“, се уште не е испратена до институцијата каде што треба да биде доставена, а тоа е Собранието на Република Македонија, изјави денеска координаторот на пратеничката група на ВМРО-ДПМНЕ во Собранието Никола Мицевски. 

Додаде дека во зависност од писмото што ќе биде добиено ќе се знаат и процедурите, односно она што ќе треба да се прави како наредни чекори во Собранието. Посочи дека „согласно Уставот имало постапки каде претседателот на Републиката по доставувањето на оставката, таа се констатира во Собранието и претседателот на Републиката е должен во рок од 10 дена да ја достави на мандатар кој ќе приложи мнозинство од 61 пратеник, па потоа мандатарот има 20 дена за одлучување, односно за составување на новата влада. Тоа, како што рече, ќе се види откако ќе биде доставена оставката. “

Македонија

Бугарија жaли зa ocтaвкaтa нa Заев

Вториот круг од локалните избори во Македонија е главна тема во бугарските печатени изданија и електронски медиуми.

Темата со локалните избори по кои уследи оставката на премиерот на  Македонија Зоран Заев, беше објавена во сите медиуми, без да се даваат коментари за тоа.

Софиското издание „Дневник“, по информацијата дека Зоран Заев поднел оставка од премиерската функција, наведува цитат од Заев од пред неколку дена, според кој, зад победата на ВМРО-ДПМНЕ стојат надворешни сили.

Изданието „24 часа“ објавува дека Данела Арсовска, која е прогласена за „Бугарка“, станала градоначалник на Скопје, а премиерот Зоран Заев поднел оставка.

БНТ објавува дека од половината преброени гласачки ливчиња од ДИК во Македонија, се утврдило дека кандидатите за градоначалници од опозициската ВМРО-ДПМНЕ имаат огромна предност пред тие од владејачката СДСМ на премиерот Зоран Заев, како и оти партијата на Али Ахмети го изгуби Тетово и Гостивар.

На истата тема пишуваат и весникот „СЕГА“, информирајќи кусо за оставката на Заев, а националното радио БНР исто така информира за вториот круг од локалните избори во државава, што завршија синоќа.

Македонија

“Ме претставуваат како предавник, но јас сум најголем патриот”

„Поради Преспанскиот договор, Договорот со Бугарија и поради тоа што го исполнивме целосно Охридскиот рамковен тие се обидуваат да ме претстават како предавник, но јас се сметам за најголем патриот, затоа што македонскиот јазик и македонскиот идентитет никогаш порано не биле попризнаени и повтемелени на меѓународно ниво“, изјави претседателот на СДСМ и премиер – Зоран Заев, во интервјуто на Телевизија „Клан“.

Заев потсети дека пред 2017 година за целиот свет сме биле „ФИРОМ“ и дека во извештаите се користело „вашиот народ“ и „вашиот јазик“. Денеска, истакна Заев, сме Македонци, со македонски јазик.

Наспроти ова, од другата страна, смета тој, се политичките противници кои се против сите три договора иако тие договори, како што рече, ја етаблирале државата во меѓународен план.

„Веќе имаме избрани градоначалници кои водеа протести за ‘чиста Македонија’. Тоа не е иднината. Лидерот на ВМРО-ДПМНЕ не употребува ‘Северна’. Како тој очекува да продолжиме кон Европската унија? Народот мора да знае дека евентуалното враќање на ВМРО-ДПМНЕ, кое нема да го дозволиме, ќе го крши Уставот, нема да го користи новото уставно име и во старт ќе провоцира барем една земја, а тоа е Грција. Ние почнавме соработка од милијарди евра и ризикот е огромен, а провокациите од таа конзервативна структурна, делумна и нацистичка во лицето на Левица, па донекаде и ВМРО-ДПМНЕ – не е иднината“, истакна Заев.

Македонија

Ахмети: Заев никако не смее да даде оcтавка, тoј има договор со мене, со коалициските партнери..

Лидерот на ДУИ, Али Ахмети, вечерва во дебатното издание „Click Plus“ на ТВ21 се осврна и кон најавената оставка на премиерот Зоран Заев доколку го загуби Град Скопје.

Според Ахмети, Заев не треба да даде оставка, односно не може да се повлече сега кога се пред сериозни предизвици.

„Зоран Заев има договор со коалициските партнери. Јас имам договор со него. Нема никаква смисла и логика Заев да даде оставка ако се изгуби Скопје. Не дека ќе го изгуби, но не е добро така да изјавува. Тој е премиер, не е градоначалник на Струмица. Никако не смее да даде оставка. Државата има многу сериозни предизвици. Заев има мандат и не може да се повлече. Имаме владина програма. Имаме сериозни проекти кои сме ги ветиле. Затоа, не верувам дека ќе даде оставка“, порача Ахмети.

Македонија

Финале би било вратата од владата, кога ќе заминува ЗАЕВ, да му ја отвори КРСТО МУКОСКИ, а пред влада да ја чуе “Ја излези Ѓурѓо, ја излези сестро…“ Филмски крај

Хистеријата е дека, по падот на власта, ќе има колона од ваши тендераши и нарко дилери кои ќе се тркаат да се правдаат дека не сакале, ама морале да го прават тоа за вас. Се плашеле од вашето СЈО, од вашите полицајци, обвинители и судии… Го знаете тоа.

Каде се, после првиот круг, за гласање во вториот да повикаат главните ѕвезди на Заев: Филипче Пламенче, Радмила Шеќеринска, Мила Цароска, Никола Димитров… Никаде ги нема. Мукла. За атер на сите пари што ги собраа требаше да се појават, за поддршка, и подзаборавените ваши адути Анѓушев и Ден Дончев. Со сите нив победувате сигурно.

И кога губеше, и кога победуваше СДСМ, некои други луѓе беа слика и прилика на таа партија. Достоинствени и со усул. Без омраза. Овие сега го разјебаа за свој ќар и за штета на целата нација. Денес, различни од овие, со дигнато чело од СДСМ е и Максо Димитриевски од Куманово, и нивниот Петар Атанасов кој јавно повикува да не се гласа за СДСМ и Петре Шилегов. Немат поддршка ни од Левица ни ЛДП ни од ДОМ. Со нова кеш донација шефовите можат и да им ги прекандисаат, но нивните гласачи не.

Ниту еден гласач на Левица сега нема интерес да гласа за СДСМ. Ќе гласаат за било кој противник на СДСМ, особено против Петре Шилегов, и ќе туркаат што поголем пораз и смена на Заев. Ова го порача Апасиев, кога ја објави стратегијата на Левица за после овие избори па натаму. Неговиот план е пад и тотално разбивање на овој СДСМ. “Пасокизација“ рече Апасиев. Судбина на ПАСОК во Грција кој денес е лево сметало таму. Апасиев Левица ја гледа за нова Сириза, преземање на гласачите од СДСМ и изградба на лева опција без хипотеки со корупција и нарко дилери.

Ја разбравме пораката, во паника објави Заев ноќта кога се виде дека убедливо загубиле. Ништо во СДСМ од утре нема да биде како досега, рече. Мислам дека ни Коста Манулаќ кој едвај помина во Стрмица не му верува на шефот. Ова е трет пат Заев да ветува “метла“ во партијата. После првите две метли му се случија најголемите корупции. Што значи, заборавете. А,освен тоа, ако секоја година ти треба “метла“ во СДСМ, што ќе ти е таков.

Ја разбравме пораката и казната од гласачите, рече Заев, и кажа дека ќе го поддржат Мерко во Струга. Мерко, единица мерка после Петре Шилегов и Константин Георгиевски од Охрид за корупција во локална власт. Па ти сега види колку е пораката разбрана  освен ако не е разбрано дека мора да се чуваат корумпираните градоначалници до последен здив, инаку корупцијата на СДСМ и ДУИ ќе нема со кого локално да соработува.

Дека не бива ништо друго од оваа власт отколку тоа што го гледаме денеска, потврда се и новите скандали дека во пратка на дипломатска пошта на МНР фатен е шверц на алкохол и цигари. Шилегов и неговиот пајташ од Универзална сала потрошиле 150.000 евра за сценски настапи, а Универзална сала четири години е затворена! Нивниот градоначалник од Бутел пред избори премолчел што нарко дилер узурпирал државно земјиште за свои градежни потреби. Така функционира нати-дајми тимот на СДСМ со нарко дилерите.

Шилегов, дознаваме деновиве, потрошил 10.169.487 денари за обезбедување школи во време кога наставата беше онлајн, а школите – затворени. Шилегов на 11.02.2021 договорил 130.000 евра градски пари на маркетинг агенција од Скопје која сега им работи за избориве. Не бе, можат и сто метли да обеќаат, од нив друго не може да биде.

Молете господ Заев д го одржи зборот, и да даде оставка. Да има нова влада околу Нова година. Најавија тешка криза и рестрикции на струјата, и големо покачување на нејзината цена. Не чека мрак и студ со овие. Ги видовме во кризата со короната колку ги бива. Дури и тогаш стегнаа корупција со вакцините. Не мислеле на време дека РЕК Битола нема јаглен, не резервирале струја за купување… Ќе биде мноооогу тешко. Не мислеле, немале време додека Шеќеринска, Шилегов, Мила Цароска, Филипче… градеа нови куќи за себе, а Фамилијата беше посветена на плантажите со марихуана и политички прогони.

Затоа, да си ги гледаме ние своите потреби и интереси. Да ја смениме ваквата власт од која и нивните функционери и гласачи се откажуваат. Шилегов има повеќе гласови само во Сарај, Чаир и Шутка, дури и во Карпош загубил во првиот круг. Кај што можел да плати.

Не верувам дека ниту еден скопјанец, млад кој сака жив и функционален град, домаќин или жена што знае како се води фамилија, не посакува власт во Скопје која е изолирана, во кавга со скопските општини наредните четири години. А без соработка на градот Скопје со општините хаосот и проблемите се секојдневни. Изборот е помеѓу корумпиран лик и госпоѓа која е манаџер. Изборот е помеѓу тензии и поделби, и обединето Скопје.

Финале би било вратата од владата, кога ќе заминува Заев, да му ја отвори Крсто Мукоски, а пред влада да ја чуе “Ја излези Ѓурѓо, ја излези сестро…“ Филмски крај .

(Д.П. Латас, 25.10.2021)

Цела колумна

Македонија

Заев: За четири години нема мрднато цената на струјата

Во гостувањето во Дневникот на Сител премиерот Зоран Заев кажа дека проблемот со електричната енергија е меѓународен проблем.

– Гледате четири години нема мрднато цената на струјата за разлика од пред некои 8 месеци четири до пет пати е зголемена на меѓународните берзи струјата а тука е иста. Така што граѓаните треба да бидат спокојни и воопшто да не стравуваат, рече премиерот