На неколку точки во главниот град вчера (2 март), полициските службеници од СВР Скопје извршиле акција во која се приведени четири лица од Скопје: А.С. (42), М.Д. (43), В.Т. (41) и А.Р. (27).
При контролите, кај приведените биле пронајдени и одземени различни видови дрога, вклучувајќи бела прашкаста материја и марихуана.
Од МВР велат дека по целосно расчистување на случаите, против сите четворица ќе бидат поднесени соодветни пријави, согласно законот.
